افغانستان جمهور رئیسی نینگ ملی خوفسیزلیک مصلحتچیسی حمدالله محب، افغانستان تینچلیک لایحه‌سی بوییچه آمریکا تشقی ایشلر وزیرلیگینی خاص نماینده‌سی زلمی خلیلزاد دن تنقید قیلگنیدن سونگ، آمریکا تشقی ایشلر وزیرلیگی نینگ ایتیشیچه، بونده‌ی بیاناتلر ایکی مملکت علاقه‌سی و افغانستان تینچلیک جریانی گه زیان ییتکیزه‌دی.
اوتگن "پنجشنبه" کونی جمهور رئیس غنی نینگ ملی خوفسیزلیک مصلحتچیسی‌نی آمریکالیک خبرچی‌لر حضوریده ایتیشیچه، زلمی خلیلزاد شخصی منفعتی اوچون افغانستانده موقت حکومت ایجاد قیلیش‌گه سعی و حرکت قیله‌دی.
قطار سیاسی ایش بیلرمانلر و نماینده‌لر کینگشی اعضالری‌نینگ ایشانچی‌گه کوره، شونینگدیک بیاناتلر افغانستان‌نی خلق ارا جماعه‌سی بیلن بولگن رابطه‌سی‌نینگ یمان بولیشی‌گه سبب بوله‌دی.
سیاسی ایش بیلرمانلردن بیری اسحاق اتمر نینگ ایتیشیچه، افغانستان رسمی‌لری‌نینگ آمریکا گه قرشی بیاناتلری ایکی مملکت رابطه‌سی نینگ یمان بولیشی‌گه سبب بوله‌دی و اوشبو حرکت افغانستان منفعتی‌گه ایمس.
اونینگ کوپه‌یتیریشیچه، جمهور رئیس غنی ایچکی و چیت‌ایللیک حمایت‌لرنی قولدن بیرگن و اوشبو موضوع حکومت‌نینگ تینچلیک سوزلشوولردن کنارگه اوریلیشی‌گه سبب بولگن.
نماینده‌لر کینگشی اعضاسی جعفر مهدوی نینگ ایتیشیچه، ملی خوفسیزلیک مصلحتچیسی نینگ بیاناتلری غیر مسولانه دیر. اونینگ کوپه‌یتریشیچه، جناب محب نینگ اوشبو بیاناتلری حکومت‌نی جدی بحران گه روپه‌ره قیله‌دی.
نماینده‌لر کینگشی‌نینگ اوشبو اعضاسی‌گه کوره، جناب غنی قدرت و تینچلیک ایسته‌یدی و قیین‌چیلیک هم انه‌شو ییردن باشلنگن.
شوتوغریده…
- حمدالله محب نینگ بیاناتی؛ ترامپ امنیتی ییغین اوتکزدی
حمدالله محب آمریکا تشقی ایشلر وزیرلیگی تامانیدن احضارلندی
مهدوی نینگ کوپه‌یتیریشیچه، ملی خوفسیزلیک مصلحتچیسی نینگ اوشبو بیاناتلری جناب غنی و آمریکا آره‌سیده بولگن تارتیشوولرنی بیللی قیله‌دی.
افغانستان ملی خوفسیزلیک مصلحتچیسی، قطرده آمریکا و طالبان گروهی نماینده‌لری آره‌سیده صورت تاپگن تینچلیک سوزلشوولردن تنقید قیلیب و جناب خلیلزاد بوتوغریده افغانستان حکومتی بیلن مصلحت قیلمه‌ی و اوشبو لایحه‌گه هیچ‌قندی تینیق‌لیک یوق‌لیگی‌نی ایتگن ایدی.
ملی خوفسیزلیک مصلحتچیسی‌نینگ بیاناتلریدن سونگ، آمریکا تشقی ایشلر وزیرلیگی جناب محب‌نی احضار قیلیب خلیلزاد گه قرشی بیانات، آمریکا تشقی ایشلر وزیرلیگی‌گه قرشی بیانات بولگنی‌نی ایتگن.
