.jpg)
حزب اسلامی رهبری گلبدین حکمتیار، بوتون سیاسی حزبلرنی معیین مشترک بیر هدف اوچون ییغیش نیت‌ده؛ لیکن بو ایش ایسه جمعیت اسلامی، جنبش اسلامی و حدت اسلامی رهبرلری تامانیدن تشکیل بولگن ینگی ائتلاف‌گه قرشی بیر حرکت ایمس دیدی.
شونینگدیک جناب حکمتیار، شمالی ولایتلرده قورال اسلحه ترقه‌تیلگن‌لیگی باره‌سیده خواطر بیلدیرگن. حزب اسلامی نینگ رهبری گلبدین حکمتیار بوگون پنج‌شنبه کابل‌ده اوتکزگن خبری بیر اولتیریش‌ده، افغانستان‌نی قوتقرووچی سیاسی ائتلاف‌گه قرشی هرقنده‌ی سیاسی بیر جریانی وجودگه کیلتیریشی باره‌سیده‌گی میش – میشلرنی کیسکین رد قیلگن.
لیکن او، ملی تفاهم نامی آستیده برچه حزبلرنی ییغیب سیاسی بیر جریان تشکیل ایتیشینی رد قیلمه‌گن. شونینگدیک حکمتیار، انقره‌ده ایجاد بولگن افغانستان‌نی قوتقرووچی ینگی ائتلاف باره‌سیده هیچ قنده‌ی قرشیلیگی بولمه‌گن لیگینی تیل‌گه آلگن.
.jpg)
شوکبی او، مذکور ینگی سیاسی ائتلاف نینگ ایجابی برنامه‌لری بولگن تقدیرده، حمایت قیلیشی حقیده خبر بیرگن. عین حالده، حزب اسلامی نینگ رهبری، سیاسی جریانلر هیچ بیر زمان بیر – بیراویگه ضد تورمس لیگی درکار دیدی.
شمال و شمال شرقده قورال اسلحه ترقه‌تیلیشی خصوصیده خواطر بیلدیرگن جناب حکمتیار، افغانستان حکومتی مساله توغریسی‌ده تفاوت‌سیز قالمس لیگی کیره‌ک دیدی.
افغانستان‌نی قوتقرووچی ینگی ائتلاف‌گه قرشی حکمتیار تامانیدن عالی ائتلاف کینگشی تشکیل بولیشی توغرسیده‌گی خبرلر بوندن آلدین حزب اسلامی رهبری گلبدین حکمتیار ییتکچیلگی‌ده ینگی بیر سیاسی جریانی وجودگه کیلیشی حقیده گزارشلر نشر بولگن بیر پیت‌ده رد قیلینماقده.
