تینچلیک و اسلامی عدالت سیلاو تیمی‌نینگ رهبری گلبدین حکمتیار، جمهورلیک ریاستی سیلاوی‌نینگ قیته‌دن یولگه قوییلیشی‌نی طلب قیلگن.
بوگون "یکشنبه" جناب حکمتیارنینگ کابلده بیرخبری ییغین آرقه‌لی ایتیشیچه، افغانستان نینگ قوتقریش و اقتدارگه قول تاپیش اوچون تینیق سیلاو یولگه قوییلیشی اساسی یول دیر.
اونینگ ایتیشیچه، جمهورلیک ریاستی سیلاوی نینگ وقتنچه‌لیک بیر حکومت رهبرلیگی‌گه یولگه قوییلیشی کیره‌ک.
تینچلیک و اسلامی عدالت سیلاو تیمی‌نینگ رهبریگه کوره، حکومت رهبری نامزد بولگن سیلاوده ساخته‌کارلیک یوز بیرمه‌یشی ممکن ایمس دیر.
جناب حکمتیارنینگ تاکید قیلیشیچه، سیلاوده دولت امکانیت‌لریدن فایده‌لنیش اوچون هیچ گروه و کیشی‌نی حقی یوق دیر، چونکه بو ایش سیلاو تینیق‌لیگی‌نی سوراققه دوچ قیله‌دی.
عبدالله عبدالله رهبرلیگی‌گه بولگن یقینلیک و برقرارلیک سیلاو تیمی اعضالری هم بیر ییغین آرقه‌لی، سیلاو ایرکن کمیسیونی و خلق ارا جماعه‌سیدن سیلاونی قوتقریش و افغانستان نینگ بحران تامان کیتیشی‌گه توسیق بولیش اوچون سعی و حرکت قیلیشی‌نی سوره‌گن‌لر.
یقینلیک و برقرارلیک سیلاو تیمی رهبری عبدالله عبدالله نینگ فیسبوک صحیفه‌سیده یازیشیچه، اوشبو تیم اعضالری اهالی نینگ آق آوازلریدن دفاع قیله‌دی و ساخته‌کارلیک‌که رخصت بیرمه‌یدی.
