محمدحسیب داوودزی، افغانستان- امیریکه بیلیم یورتینینگ سوداگرلیک و اداره بولیمیده اوچینچی صنف اوقووچیسی بولگن. اونینگ ایتیشیچه، مکتبنی بیتتیرگنیدن کیین، مملکتدن تشقری اوقیشگه دوام بیریش اوچون علاقه باغلهگن، بیراق انگلیس تیل سیناوینی اوتکزیب افغانستان- امیریکه بیلیم یورتیده کیلگن بیرچاغده، مذکور بیلیم یورتنینگ امتیازلری و کیشیگه تیگیشلی خاص نرسهلری دقتینی جلب ایتگن.
حسیبنینگ ایتیشیچه، افغانستان- امیریکه بیلیم یورتیگه یول تاپیش اوچون اوقووچیلرنینگ خاص ظرفیتلری بولیشی لازم.
اوشبو اوقووچینینگ ایتیشیچه، امیریکه بیلیم یورتیگه کیریشنی ایستهگن اوقووچیلر انگلیس تیلینی یخشی بیلیب و کیریش سیناویده 500 دن یوقاری نمره آلیشلری کیرهک.
حسیبگه کوره، مذکور بیلیم یورتنینگ درسی لایحهلری و اوقیتووچیلری توغریسیده معلومات قولگه کیریتگنیدن کیین، افغانستان– امیریکه بیلیم یورتی دنیانینگ ایشانچلی بیلیم یورتلرینینگ امتیازلری و مهارتلریگه ایگه بولگنینی سیزگن. جناب داوودزینینگ ایتیشیچه، شو یوزدن چیت ایلگه باریب درس اوقیشدن وازکیچیب و عایلهسینینگ یانیده قالیب اوقیشگه دوام بیریش خصوصیده قرار قیلگن.
اونگه کوره، امیریکه بیلیم یورتی اوقووچیلرگه یخشی زمینه یرهتهدی و اوشبو بیلیم یورتنینگ درسی کیلهجک اوچون اوقووچیلرنینگ یورهگیده امید توغدیرهدی.
حسیب داوودزینینگ ایتیشیچه، افغانستان– امیریکه بیلیم یورتی، قیینچیلیکلرگه ییچیم یول تاپیش اوچون اوقووچیلرگه قندهی بیر شکلده اویلهشلرینی اورگتهدی.
مذکور اوقووچی، لیسانس دورینینگ بیرینچی ییلیدن باشلب حاضرگچه بیرینچی درجهده کیلگن و اونینگ ایتیشیچه، ماسترلیک دورینی هم شو بیلیم یورتده اوتکزیشگه علاقه باغلهگن.