افغانستان حربی کوچلر اورین باسری مرادعلی مرادنینگ ایتیشیچه، جاری ییل باشلنگنی‌دن بویان مملکت‌ده کیچریم سیز جنایت‌لر یوزبیرگن، بیراق مملکت‌ده‌گی جاری اوروش‌ده، افغانستان خلقی یوتوقلیک‌که ایریشه‌دی.
جناب مرادنینگ، یکشنبه کون حربی افسرلردن بیرقطاری‌نینگ فراغت مراسمی‌ده ایتیشیچه، اوروش‌نی جنوب‌دن شمال‌گه و شرق‌دن غرب‌گه یوللش‌نی ایسته‌گن کیشی‌لر هیچ‌قچان موفق بولمه‌یدی و افغانستان خلقی هیچ بیرزمان دشمن‌گه بویین اینگیش‌نی ایستمه‌یدی.
جناب مراد، افغانستان ایشلری‌گه پاکستان‌نی آچیق صورتده قول سالیش‌لری توغری‌سیده دنیا جماعه‌چیلیگی تینچ توریشی‌گه اشاره‌قیلیب بو سوراق‌نی بیان ایتدی، « نیمه اوچون جنایت‌چیلرنینگ ایشی، اوروش جنایتی حسابلنمه‌یدی و افغانستان خلقی‌نینگ اولیمی توغری‌سیده تینچ توریش‌نی اختیار ایته‌دی؟».
اونینگ ایتیشیچه، بو توغریده کوپینچه سِرلر بار، سونگی باسقیچ‌ده برچه یول‌لر کیسیلگنی‌دن کیین، فاش ایتیشی ممکن.
جناب مرادگه کوره، انچه پیت آلدین افغانستان دفاعی اداره رهبرلری سؤتفاهم‌لرنی حل ایتیش اوچون پاکستان سفر قیلگن، بیراق پاکستان اوشه کون ایرته‌لب افغانستان‌گه موشک آتیش‌گه باشله‌دی.
حربی کوچلر اورین باسری، پاکستان تامانیدن اویوشتیریله‌دیگن راکتی هجوم‌لرنی زوره‌وانلیک بیلیب ایتیشیچه، بو راکت‌لر جواب‌سیز قالمه‌یدی.
مرادعلی مرادنینگ ایتیشیچه، اورته آسیا مملکت‌لری چیگره‌لرینی سقله‌شی لازم و افغانستان تروریسم مرکزی ایمس، تروریسم افغانستان خلقی‌گه تحمیل بولگن.
عین حالده، کابل حربی تعلیم مرکزی اورگه‌تیش و تربیه‌لش قومندانی حبیب‌خان حصاری‌نینگ ایتیشیچه، امنیتی‌کوچلر گناه‌سیز کیشی‌لر اوستیگه هجوم اویوشتیره‌دیگن دشمن‌لرگه وقت بیرمه‌یدی.
اونینگ ایتیشیچه، «دشمن» ایشلرینی عمل‌گه آشیریش اوچون پیت قیدیره‌دی و امنیتی‌کوچلر تامانیدن دشمن‌گه وقت بیریلمس‌لیگی لازم.
مملکت ایریم منطقه‌سی و کابل‌ده یوزبیرگن سونگی قانلی هجوم‌لر نتیجه‌سیده، افغانستان بیلن پاکستان علاقه‌سی یمان راق بولدی.
شونینگ‌دیک، افغانستان رسمی‌لری اوشبو هجوم‌لرگه پاکستان‌نی قولی بارلیک‌که عیب‌له‌دی، بیراق بو ادعالر اسلام‌آباد تامانیدن رد ایتیلدی.
