.jpg)
جاری ییل حج مراسمینی اوتکزیش اوچون 180000مینگ افغانستانلیک حاجی رویخطگه آلینگن.
نماینده‌لر مجلسی بوگون (شنبه) عمومی ییغین‌گه حج اوقاف وزیرلیگی نینگ اورین باسری و آریانا هوا یوللر شرکتی باشلیغی‌نی چقیرگن ایدی. ییغین‌ده جاری ییل حج مراسیم‌گه کیته‌جک حاجیلرنینگ معماسی محاکمه بولگن.
مملکت حج اوقاف وزیرلیگی نینگ معاونی داعی‌الحق عابد، حاجیلرنی سعودیه عربستانی‌گه ییتکزیش اوچون بوتکول تیارگرلیک آلینگن دیدی. وزیرلیک عبادتچیلرگه قولی شرایط یره‌تیب بیریش اوچون حرکت قیله‌دی دیگن جناب عابد.
جناب عابد، سعودیه عربستانی‌گه کیتیش اوچون بو ییل 180000مینگ کیشی رویخطگه آلینگن، بولردن فقط 30 مینگی عبادت اوچون سعودی‌گه یوباریله‌دیلر دیگن.
آریانا هوا یوللر شرکتی‌ده دییرلی امکانیت بولمه‌گن لیگیدن شکایت قیلگن شرکت نینگ باشلیغی محمدنادر عمر، حاجیلرنی ییتکزیش اوچون برچه تیارگرلیکلر کوریلگن دیگن.
.jpg)
شونینگدیک افغانستانلیک حاجیلرنی زیارت‌گه ییتکزیش مقصدیده آریانا هوا یوللر شرکتی ایچکی و تشقی امکانیتلردن فایده‌له‌نیش‌گه اولگوره‌دی دیگن جناب عمر.
محمدنادر عمر، ییترلی بودجه بولمه‌گن لیگی اوشبو شرکت نینگ قاشیده تورگن کته معما حسابلنه‌دی دیگن. شوکبی او، حاجیلرنی ییتکزیش اوچون حکومت ینگی طیارلر آلیش اوچون بودجه اجره‌تیشینی طلب قیلگن.
عین حالده، وزیرلیک نینگ معاونی ینه آریانا هوا یوللر شرکت باشلیغی، حاجیلر لایحه‌سی شفاف صورتده عمل بولیشی توغریسیده نماینده‌لر مجلس اعضاسی‌گه ایشانچ بیرگنلر.
