د فاریاب د اندخوی څلور ګونو ولسوالیو کې له یوې اوونۍ راهیسې د دولتي ځواکونو او طالبانو ترمنځ جګړه روانه ده. پهدې موده کې له ۴زرو ډېرې کورنۍ د اندخوی ولسوالۍ مرکز، جوزجان او بلخ ولایتونو کې کډه شوېدي.
د ولسي جرګې غړی بشیراحمد تینج وایي، د امنیتي وضعیت خرابوالي د اندخوی ولسوالیو ډېرې کورنۍ بېځایه کړي چې حالت یې د اندېښنې وړ دی.
د ده په وینا د دې ولسوالیو تر څنګ په سرحوض کې هم خلک له قحطۍ سره مخ او ان له لوږې مړه شويدي.
د فاریاب ولایتي شورا غړي اقمحمد نوري سلام وطندار ته وویل چې د اندخوی د درېیوو ولسوالیو اوسېدونکیو ته په اندخوی ښار کې د اوسېدو ځای نهشته او ترڅنګ یې ډېرې کورنۍ پرسرکونو او مسافرخانو کې پراته دي او د خوړو له پاره څه نهلري.
یوه بېځایه شوې ښځه رحیمه وایي، طالبانو یې د کلیو د نیولو ترڅنګ له دوی نه پاخه خواړه غوښتل چې دوی یې وسه نه لرله، بالاخره تېښتې ته مجبور شول.
د فاریاب د کډوالو او راستنېدونکیو چارو رییس اقامحمد رحیم وایي، له بېځایه شویو وګړیو سره د بېړنیو مرستو رسولو څرنګوالي کمېټې جوړې شوېدي.
هاخوا بیا د فاریاب والي نقیبالله فایق پرون د اندخوی څلور ګونو ولسوالیو اړوند د طالبانو تر ولکې لاندې سیمو کې د پوځي عملیاتو په دوام ټینګار کړیو او د اقینې بندر له خطر سره مخېدو اجازه به هېچا ته ورنه کړي.
