جوزجان ولایتی مرکزی شبرغان شهری‌نینگ حسن آباد قیشلاغیده بیر قیز اوز جانیگه سوء قصد قیلگنی خبر قیلیندی.
جوزجان پولیس قوماندانلیگی‌نینگ جنایی جرملرگه قرشی کوره‌ش مدیری عبدالهادی رحمانی‌نینگ سلام‌وطندارگه ایتیشیچه، نوریه ناملی قیز بوگون (سه‌شنبه) ایرتلب خانه‌دانی‌نینگ اعضالری اویده بولمه‌گن بیر چاغده اوزینی اوتگه یاندیریب حیاتی‌گه پایان بیرگن.
رحمانی، پولیس رسمیلری حادثه محلی‌نی تیکشیرگن نتیجه‌سیده جسد یانیدن فندک تاپگن‌لر؛ نوریه مذکور فندک واسطه‌سی بیلن اوزینی یاندیریب یوبارگن‌لیگی ممکن دیگن.
جناب رحمانی‌نینگ سوزلریگه کوره، جوزجان پولیس رسمیلری‌نینگ دستلبکی تیکشیرولریده نوریه عایله‌سی تامانیدن علاقه‌سی بولمه‌گن شخص‌گه تورموش‌گه چیقاریلیشینی سیزگن بیر چاغده بونده‌ی بیر حادثه گه قول اورگنی معلوم بوله‌دی. اونینگ ایتیشیچه، نوریه یاقتیره دیگن بچه نیچه بار ساووچی یوبارگن.
نوریه‌نینگ جسدی پولیس تامانیدن شفاخانه‌گه ییتکزیلگن.
