.jpg)
نیچه کون‌آلدین جوزجان ولایتی‌ده کمیده 200 داعش خوفسیزلیک کوچلری‌گه تسلیم بولدی.
بولرنینگ آره‌سیده داعش‌نینگ قومندانلری هم شامل دیر؛ بیراق بوگون ولایت یشاوچی‌لریدن اونلرچه‌سی‌نینگ ایتیشیچه، تینچلیک‌که تسلیم بولگن کیشی‌لر اوروش و انسانی جرم‌لرگه عیب‌لنگن و اولرنینگ جزالنیشی کیره‌ک، بولمگنده «اوزلرینی اوت‌گه تارته‌دیلر.»
قوش‌تپه و درزاب تومن اعتراضچی‌لری‌نینگ ایتیشیچه، تینچیلیک‌که قوشیلگن کیشی‌لر « اولرنینگ اقارب‌لرینی جنسی زوله‌گن، قطار کیشی‌لرنی باشی‌نی کیسیب و نیچه کیشی‌لرنی هم اوت‌گه تارتگن.»
حلیمه و نورمحمدنینگ ایتیشیچه: «بو کیشی‌لر باله‌لرنی هم جنسی زورله‌گن و جزالنیش‌لری کیره‌ک.»
.jpg)
جوزجان حاکمی لطف‌الله عزیزی داعش‌نینگ قیلگن جنایت‌لرینی تَن آلیب ایتیشیچه، مذکور تومن یشاوچیلری‌نینگ 140 شکایتی‌نی ملی خوفسیزلیک‌که یوبارگن‌لر و مجرم‌لر قانون‌گه کوره جزالنه‌دی.
ایشانچلی منبع‌لرنینگ سلام‌وطندارگه ایتیشیچه، تینچلیک‌که قوشیلگن داعش‌لرنی تیکشیریش اوچون بیر هیأت کابل‌دن جوزجان ولایتی‌ده کیلگن.
قوش‌تپه و درزاب تومن محلی مسئولری‌نینگ ایتیشیچه، سونگی ایکی ییل ایچیده داعش گروهی مذکور تومن‌لرده، عیاللر و باله‌لرگه قرشی جنسی زولش، اوغیرلاوچیلیک، قتل و اهالی‌نینگ مالی نی تالان ایتیش‌گه قول اورگن. نهایت‌ده قطار عایله‌لر حاضرگه قدر عایله اعضالری‌نینگ جسدی‌نی اختریب یورگن.
