سلام‌وطندارگه صحبت بیرگن جوزجان پولیس قومندانلیگی خوفسیزلیک آمری عبدالحفیظ خاشی‌نینگ ایتیشیچه، اوتگن کیچه قوراللی طالب‌لر فیض‌آباد تومنی‌نی اوستیگه هجوم قیلیب 8 قیشلاق نی نظارت گه آلگن.
جناب خاشی‌نینگ ایتیشیچه، امنیتی کوچلر و طالب‌لرنینگ آره‌سیده یوز بیرگن آتیشمه‌ده 10 جنگری طالب هلاک و باشقه 15 جنگری یره‌لنگن.
شونینگدیک، اوشبو آتیشمه‌ده امنیتی کوچلردن بیری هلاک و باشقه 3 ته‌سی یره‌لنگن.
عین حالده، جوزجان ولایتی‌نینگ ساغلیق‌نی سقلش ریاستی باشلیغی حفیظ‌الله جمشیدی‌نینگ ایتیشیچه، اوتگن کیچه فیض‌آباد تومنیدن امنیتی کوچلرنینگ 2 جسدی و 7 یره‌داری اوشبو ولایتی کسلخانه گه آلیب کیلینگن.
جوزجان پولیس قومندانلیگی خوفسیزلیک آمری‌نینگ کوپه‌یتیریشیچه، فیض‌آباد تومنیده قولدن کیتگن قیشلاقلرنی قیتریب آلیش اوچون ییترلی امنیتی کوچ لازم.
طالبان گروهی حاضرگچه بو موضوع توغریسیده میدیاگه هیچ نرسه دیمه‌گن.
شونینگدیک، اوتگن کون جوزجان ولایتی‌نینگ درزاب تومنیده 7 قیشلاق طالب‌لرنینگ قولی گه سقوط قیلگن ایدی.
