جوزجان ولایتی کینگش اعضاسی امرالدین دانش‌جو نینگ سلام‌وطندارگه ایتیشیچه، مردیان تومنیده امنیتی کوچلردن کمیده 100 ته‌سی طالبان تامانیدن قمراوگه آلینگن و مرکزی حکومت حاضرگه‌قدر بوتوغریده دقت قیلمه‌گن.
جناب دانش‌جو گه کوره، قمراوگه آلینگن عسکرلرنی قوتقریش اوچون سعی و حرکت قیلینمه‌گن صورتده، انسانی فاجعه یوز بیریشی ممکن.
اونینگ کوپه‌یتیریشیچه، طالبان جنگریلری جوزجان 7 تومنی و بلخ 3 تومنیدن مردیان تومنیده توپلنگن‌لر.
مردیان تومنیده مردمی کوچلر قومندانلریدن بیری سعدالله نینگ سلام‌وطندارگه ایتیشیچه، اوشبو تومن مرکزی 5 آیدن بویان طالبان تامانیدن قمراوگه آلینگن. اونینگ کوپه‌یتیریشیچه، حکومت بوتوغریده دقت قیلمه‌گن صورتده، اوشبو تومن طالبان قولیگه سقوط قیله‌دی.
بیراق، جوزجان پولیس قومندانی عبدالواحد وجدان نینگ سلام‌وطندارگه ایتیشیچه، طالبان هجومی امنیتی کوچلر تامانیدن کیینگه اوریلگن.
جوزجان پولیس قومندانی‌گه کوره، امنیتی کوچلر و طالبان آره‌سیده صورت تاپگن آتیشمه‌لر نتیجه‌سیده، طالبان جنگریلریدن 11 ته‌سی هلاک و باشقه 9 ته‌سی یره‌لنگن دیر.
