جوزجان ولایتی نینگ قوش‌تپه تومنی سرپرستی بایمراد نینگ سلام‌وطندارگه ایتیشیچه، اوشبو تومن بوتون امکانیت‌لری بیلن اوتگن کیچه طالبان قولیگه سقوط قیلگن.
قوش‌تپه تومنی‌نینگ سرپرستی‌گه کوره، اوتگن کیچه یوز بیرگن آتیشمه نتیجه‌سیده، امنیتی کوچلردن 5 ته‌سی هلاک ایتیلیب و باشقه 125 ته‌سی درک‌سیز یوقالگن دیر.
جناب بایمرادنینگ کوپه‌یتیریشیچه، مخابراتی ترماقلر فعالیت قیلمه‌گنی سبب، مذکور کوچلر و محل یشاوچی‌لری‌نینگ سرنوشت‌لری خصوصیده معلوماتی یوق دیر.
جوزجان حاکمی مولوی لطف‌الله عزیزی، قوش‌تپه تومنی نینگ سقوط قیلگنی‌نی تصدیق‌لیدی، بیراق اوشبو تومنده جای‌لشگن کوچلر سرنوشتی خصوصیده معلومات بیرمه‌یدی.
جوزجان حاکمی‌گه کوره، قوش‌تپه تومنی‌نی قیته‌دن نظارت‌گه آلیش اوچون سعی و حرکت‌لر باشلنگن دیر.
طالبان گروهی سونگی کونلرده غور، بغلان و تخار ولایت‌لریده، هجوم‌لرینی کوپه‌یتیریب نتیجه‌ده مذکور ولایت‌لرنینگ قطار منطقه‌لرینی نظارت‌لریگه آلگن.
غور ولایتی نینگ شهرک تومنی ولسوالی محمد کبیری نینگ سلام‌وطندارگه ایتیشیچه، بو تومنی‌نینگ سرچشمه منطقه‌سی طالبان نظارتی‌گه اوتیب و نتیجه‌ده طالبان جنگریلریدن 3 ته‌سی و مردمی کوچلردن 3 ته‌سی هلاک ایتیلگن.
شونینگدیک، بغلان ولایتی کینگش باشلیغی محمدصفدر محسنی نینگ سلام‌وطندارگه ایتیشیچه، دوشی تومنی نینگ کیهان منطقه‌سی طالبان قولیگه سقوط قیلگن و طالبان هجومی نتیجه‌سیده، مردمی کوچلر ساحه‌نی ترک قیلگنلر.
عین‌حالده، تخار یشاوچی‌لری نینگ ایتیشیچه، آیخانم بندری طالبان قمراویگه قرار تاپگن، بیراق تخار پولیس قومندانلیگی سوزلاوچیسی خلیل اسیرنینگ ایتیشیچه، دشت‌قلعه تومنیده طالبان هجومی آرتده اوریلگن.
طالبان گروهی بیرخبرنامه آرقه‌لی، مذکور ولایت‌لرنینگ قطار منطقه‌لرینی اوشبو گروه نظارتی‌گه اوتگنی‌نی بیلدیرگن.
