جمهور رییس نینگ بیرینچی اورین باسری جنرال عبدالرشید دوستم نینگ ایتیشیچه، حکومت رهبرلری ارا موجود قرمه قرشیلیکلر، هیچ بیر زمان اونی مذکور تیزیم‌دن چیکله‌نیشگه سبب بوله آلمیدی.
بوگون (پنج‌شنبه) کابل‌ده افغانستان جبنش یاشلری‌نینگ اوچینچی رهبرلیک تشکیلاتی نینگ تنلش کنگره‌سی یولگه قویلیشی بیلن سوزگه چیقیش قیلگن جمهورلیک سرایی نینگ بیرینچی اورین باسری جنرال عبدالرشید دوستم، حکومت رهبرلری ارا تاپیلگن قرمه قرشیلیکلرگه قره‌می؛ حکومت یانیده قالیش و مذکور تیزیم‌دن اجرلمس‌لیگینی بیلدیردی.
شو سونگی نیچه کون مابینی‌ده، ایریم اجتماعی ترماغلردن جمهورلیک سرایی نینگ بیرینچی اورین باسری جنرال دوستم بیلن جمهور رییس غنی ارا قرمه قرشیلیکلر تاپیلگن و اونینگ ایسته‌کلری ارگ تاماندن قبول بولمه‌گنلیگی دلیل، حکومت‌دن یمانی کیلیب، مذکور تیزیم‌دن چیکلنه‌دی دیگن میش- میش‌لر ترقه‌تیلیب کیلماقده ایدی.
جناب دوستم‌نینگ بوگونکی رسانه‌لرگه بیرگن جوابی: «اوزیمیز ایجادقیلگن حکومتنی قنقه ترک قیلیشی‌میزگه امکانی بوله‌دی؟»
شونینگ‌دیک ارگ تاماندن بوله‌دیگن مهم اولتیریشلرده جنرال دوستم‌نینگ کورینمه‌گنلیگی، او بیلن غنی ارا قرمه قرشیلیکلر باردیگن میش – میشلرنی کوچلنتیرگن ایدی.
اما جنرال دوستم، ملی بیرلیک حکومتی‌دن چیکلنه‌دی دیگن میش- میشلرنی یلغان و اونگه قرشی سوزلیگی‌نی بیلدیره‌دی و برچه زحمتی‌نی چیکیب یوزه‌گه کیلتیرگن حکومتی‌گه قرشی هیچ بیر زمان بوزغونچی‌لیک قیلمس‌لیگینی بیلدیرگن.
شونینگ‌دیک مجلس‌ده قتشنگن ییگیتلر، حکومت تامانیدن ییگیت‌لرگه بیرگن وعده‌لر عمل‌گه آشیریلمه‌گنیدن شکایت قیلگن‌لر.
جنرال دوستم‌نینگ کوپه‌یتیریشیچه، سیلاو کمپاینلری پیتیده ییگیتلر و افغانستان خلقی‌گه کوپلب بیرگن وعده‌لرینی عمل‌گه آشیریلالمه‌گن‌لیگی‌نی قبول قیله‌دی و حاضرگه قدر بولر اوچون هیچ ایش قیله آلمه‌گنمیز دییدی.
جناب دوستم: «سیلاو زمانیده بیرگن وعده‌لریمیز عمل‌گه آشیریلمه‌گنلیگی اوچون اهالی آلدیگه اویاتده من، نیگه کی حاضرگه قدر وعده‌لریمیزدن کوپیسی علم‌گه آَشیریلمه‌گن».
جمهورلیک سرایی بیرینچی اورین باسری هوا خواهلریدن چیده‌ملی بولیشلرینی ایسته‌یدی و قیسقه و اوزون مدت‌ده برچه قیین‌چیلیکلر ایچیلیش‌نی اورغولیدی.
جمهور رییس نینگ بیرینچی اورین باسری، بیرگن وعده‌لرینی عملده ایش قیلیش اوچون کورشه‌دی؛ اما کوپلب قیین‌چیلیکلر بارلیگی دلیل، ییگیتلر اوچون وزیرلیک آچیش، بیریلگن وعده‌لریدن بیری ایدی، حکومت مذکور وزیرلیکنی آچیش‌گه عاجز قالگن.
حکومت‌دن جنرال دوستم ییگیتلر اوچون وزیرلیک آچیلیشی‌نی سوره‌گن ایدی.
