جنبش حزبی، جنرال دوستم و جمهور رییس اورتهسیده گی قیین چیلیک حاضرگه قدر حل ایتیلمهگن لیگینی معلوم قیلدی.
افغانستان ملی اسلامی جنبش حزبی سوزلاووچیسی بشیراحمد تهینچ، جنرال دوستم هیچ قچان و هیچ بیر ییرده، جمهور رییس دن بولگن ایستکلری و ایکاوی نینگ اورته سیده گی قره مه قرشیلیکلر بیر قونغیراق بیلن حل ایتیلیشی ممکن ایمس دیگن.
جناب تهینچ، اساسی قانون اوزگرتیریلیشی، لویه جرگه بولیب اوتیشی، جمهورلیک ریاستی باش وزیرلیک تیزیمی گه اوزگرتیریلیشی و قدرت عدالت اساسیده بولینیشی جنرال دوستم نینگ اساسی ایستکلریدن ایکن لیگینی تیلگه آلگن.
جمهور رییس نینگ بیرینچی اورین باسری جنرال عبدالرشید دوستم و جمهور رییس غنی نینگ اورتهسیدهگی قره مه قرشیلیکلر، بیر تلیفون قونغیراغی بیلن حل ایتیلگنینی رد قیلگن افغانستان ملی اسلامی جنبش حزبی نینگ سوزلاووچیسی بشیراحمد تهینچ، قره مه قرشیلیکلر اوز جاییده تورگن لیگینی سلاموطندارگه ایتگن.
جناب تهینچ گه کوره، جنرال دوستم و جمهور رییس اورتهسیده گی سوزلشوولرده، جناب غنی جنرال دوستم نینگ ایستکلرینی قبول قیلیب و منطقی دیگن.
جنرال عبدالرشید دوستم و جمهور رییس غنی نینگ آرهسیده گی سیاسی قره مه قرشیلیکلر، غورماچ اوروشی دوامیده باشلنگندی. جمهور رییس بیرینچی اورین باسری، غورماچ تومنی نی طالبلر نظارتیدن چیقارگندن کیین، خبری بیر ییغین اوتکزیب و بوتون قدرت جمهور رییس قورشاویده ایکنینی ایتیب اونی قومپرستلیککه عیب لهگن ایدی.