مملکت جمهور رییسی‌نینگ ایتیشیچه، مسوولیتی بولمه‌گن هیچ بیر کیشی امنیتی ایشلرگه اره‌لشه آلمیدی. جناب غنی اوشبو مطلب‌نی بوگون یکشنبه، مملکت جنوب‌شرقی امنیتی وضعیت توغری‌سیده اوشبو حوزه ولایت‌لری‌نینگ والی‌لری بیلن اوتکزگن ویدیو کنفرانس جریانیده بیان ایتکن.
جمهور رییس غنی‌نینگ، مذکور حوزه رسمیلریگه ایشان بیریشیچه، مملکت امنیتی کوچلری یشاوچیلرنینگ جانی و مالی‌نی سقلش خصوصیده، برچه بار توانی بیلن سعی و حرکت قیله‌دی.
جمهورلیک ریاستی رسمی وبسایتی‌ده ترقه‌تیلگن خبرنامه‌ده کیلیشیچه، جناب غنی اوشبو سوزلشووده جنوب‌شرق رسمیلریگه تأکیدلشیچه، ملکی و حربی چوکی‌لرده مسؤول تعیین‌لش خصوصیده، تونیق‌لیک و قانون‌نی کوزگه توتیش‌لرینی سوره‌دی.
جناب غنی، اوشبو ییغینده 203 تندر قول اردو قومندانی جنرال شریف یفتلی بیلن جنوب‌شرق حوزه‌سی امنیتی وضعیت توغری‌سیده صحبت اوتکزگن.
شونینگ‌دیک بوندن آلدین، حکومت اجراییه باشلیغی عبدالله عبدالله، زیان کوره‌دیگن ولایت‌لرنی کلیدی اداره‌لری‌گه مسؤول سیلش خصوصیده، دقت قیلینیشی‌نی تیلگه آلگن ایدی.
ایتیلیشیچه، جمهور رییس و اجراییه باشلیغی، دولت تیزیمی‌گه بیشینچی ستون موجودلیگی توغری‌سیده تنقیدلر کوپیگنی باعث، امنیتی بولیم‌لرگه مسؤول کیشی تعیین‌لنیشی توغری‌سیده، دقت قیلینیشی‌نی تیلگه آلگن‌لر.
شونینگ‌دیک بیرقطارلر، قندوز سقوطی‌نی دولت تیزیمی‌ده‌گی بیشینچی ستون‌گه نسبت بیره‌دی. سونگی کونلرده، ملی امنیت ریاستی اورین باسری متین بیک‌نینگ بیر خبری ییغینده ایتیشیچه، بیشینچی ستون حکومت سقوطی خصوصیده سعی و حرکت قیله‌دی و اوشبو ستون‌گه تیگیشلی کیشی‌لر حکومت و عصیانچیلر بیلن علاقه‌ده بولگن.
غنی، جنوب شرق حوزه‌سیده امنیتی وضعیت یخشی‌لنیشی خصوصیده، اوشبو حوزه والی‌لریدن پولیس و حربی کوچلر ظرفیتی یوقاری کیتیشی اوچون، دقت قیلیش‌لرینی سوره‌دی.
اوشبو ویدیو کنفرانس‌ده، پکتیا، پکتیکا، خوست، لوگر، میدان وردگ و بامیان ولایت‌لری‌نینگ والی‌لری اشتراک ایتکن.
