سیلاولر تیزیمی‌گه اصلاحات کیریتیش کمیسیونی‌نینگ اوچ بنیادی تکلیفی کوپراق تیکشیریلیشی اوچون کمیسیون یوباریگن.
افغانستان جمهور رییسی محمداشرف‌غنی اوتگن کون (یکشنبه) سیلاولرتیزیمی‌گه اصلاحات کیریتیش کمیسیون تکلیفی طرحی توغری‌سیده بیر فرمان صادر قیلگن. مذکور فرمان‌گه کوره، سیلاولرتیزیمی‌گه اصلاحات کیریتیش کمیسیونی‌نینگ مجموعی اون تکلیفی‌دن ییتی تکلیفی تصدیق‌لنگن. اما، قالگن اوچ تکلیف حقوقی، فنی و هر تامانلمه تیکشیریلیشی اوچون کمیسیون‌گه جونه تیلگن.
قالگن اوچ تکلیف نینگ طرحی اجراییه ریاستی‌دن جمهور رییس‌لیککه یوباریلیشی کوتیله‌دی.
سیلاولر تیزیمی اوزگرتیریلیشی، رای بیره دیگنلر رویخطی ترتیب له‌نیشی و رای بیریش حوزه‌لر کمیشی سیلاولرگه اصلاحات کیریتیش کمیسیون آرقه‌لی جدی صورت‌ده تیکشیریله‌دیگن تکلیف‌لردن سنه‌له‌دی.
تیفا یا افغانستان شفاف سیلاولر بنیادی‌نینگ رییسی محمد نعیم ایوب زاده‌نینگ سوزلریگه کوره، مذکور اوچ تکلیف سیلاولرگه اصلاحات کیریتیش اوچون اساسی رولی بار و اهالی ایشانچی‌نی جلب ایته‌دی. شونینگ‌دیک جمهور رییس تامانیدن تصدیق‌لنگن ییتی مورد باره‌سیده گپیرگن جناب ایوب‌زاده، تصدیق‌لنگن ییتی تکلیف شفاف سیلاو اوتکزیلیشی اوچون اونچه‌لیک تاثیری یوق دیگن.
سیلاولر تیزیمی‌گه اصلاحات کیریتیش کمیسیون اعضاسی علی امیری‌نینگ سلام وطندارگه ایتیشیچه، کمیسیون تیزلیک‌ده مذکور اوچ تکلیف تقدیری یاروتیلیشی اوچون اوز قرارینی اعلان قیله‌دی. سونگ بونینگ نتیجه‌سی ملی بیرلیک حکومتی‌نینگ باشلیغ‌لریگه جونه تیله‌دی.
سیلاولر تیزیمی‌گه اصلاحات کیریتیش کمیسیون بیر آی ایش آلیب بارگن‌دن سونگ نهایت‌ده بوندن ایکی کون آلدین مجموعی تکلیف‌نی حکومت‌گه تقدیم قیلدی.
افغانستان جمهور رییسی محمداشرف‌غنی بیر فرمان صادر قیلیش بیلن کمیسیون ایشلری‌نی آلقیش‌لب کمیسیون دست‌لبیکی تکلیف‌لرینی تصدیقله‌دی. مذکور فرمانده کیلیشیچه، جمهور رییس غنی، عدلیه وزیرلیگی و جمهور رییس‌لیک ایشلری بوییچه اداره‌نی سیلاولر تیزیمی‌گه اصلاحات کیریتیش اوچون تصدیق‌لنگن ییتی تکلیف قانون آرقه‌لی تصدیق له‌نیشی اوچون تیزلیک‌ده جدی تدبیر آلیش‌لرینی سوره‌گن.
شونینگ‌دیک مذکور فرمانده، جمهور رییس غنی سیلاولر مستقل کمیسیونی‌گه پارلمانی همده ولسوال‌لیک سیلاولر اوتکزیلیشی اوچون سیلاولر تیزیمی‌گه اصلاحات کیریتیش اوچون ایجاد ایتیگن کمیسیون تکلیف‌لرینی نظرده توتیب سیلاو اوچون زمان تعین قیلیش‌لری توغری‌سیده تاکیدله‌گن.
