افغانستان جمهور رییسی‌نینگ ایتیشیچه، سیلاولر تیزیمی‌گه اوزگریش کیلتیریش خصوصی‌ده فکر المشتیرماقده، بیراق بو اصلاحات‌نی تخنیکی موضوع‌سی اوستی‌گه هم فکر المشتیریش کیره‌ک.
جناب غنی‌نینگ پنج‌شنبه کونی کابل‌ده خلق ارا تماس گروهی اولتیریشی‌ده ایتیشیچه، سیلاولر تیزیمی‌گه اوزگریش کیلتیریش تخنیکی موضوع‌سی‌دن اورگنیب آلگن‌دن کیین پارلمان سیلاوی یولگه قوییلیشی اوچون زمینه یره تیله‌دی.
جناب غنی‌گه کوره، اصلاحات کیلتیریش تخنیکی قیینچی‌لیگی بار و بو توغریده دنیا جماعه‌چیلیگی تمانیدن یاردم بیریلیشی لازم. اونینگ ایتیشیچه، سیلاولر تیزیمی‌گه اصلاحات کیلتیریش حتمی دیر.
سیلاولر تیزیمی‌گه اصلاحات کیلتیریش ملی بیرلیک حکومتی کیلیشووی‌دن بیری بولگن. بوندن آلدین جمهور رییس، سیلاولر تیزیمی‌گه اصلاحات کیلتیریش کمیسیونی‌نینگ اعضاسی‌نی پارلمان عضوی شکریه بارکزی ریاست‌لیکی‌گه تانیشتیردی، بیراق اجراییه باشلیغی خانم بارکزی‌گه قرشی‌لیک کورستدی.
سیلاولر تیزیمی‌گه اصلاحات کیلتیریش کمیسیونی‌نینگ تقدیرسیزلیگی ایریم تنقیدلرگه روپه‌ره بولدی.
مدنی جماعه‌چیلیک اداره‌سی اوتگن پنج‌شنبه حکومت‌دن سیلاولر تیزیمی‌گه اصلاحات کیلتیریش کمیسیونی‌نینگ تقدیرینی بیللی قیلیشی‌نی سوره‌دی. مذکور اداره اعضاسی اوشبو کمیسیون ایشی باشلنمه‌گنی توغری‌سی‌ده خواطر بیلدیرگن.
مدنی جماعه‌چیلیک ترماغی مسؤول‌لری‌نینگ ایتیشیچه، اولر نیچه اولتیریش‌ده، سیلاولر تیزیمی‌گه اصلاحات کیلتیریش توغری سیده تینچ اهالی و مدنی ترماغ‌لر خواطری‌نی ملی کینگش نماینده‌لری و ملی بیرلیک حکومتی رهبرلیگی‌گه ییتکیزگن.
بیراق مدنی ترماغ‌لر اعضاسی، سیلاولر تیزیمی‌گه اصلاحات کیلتیریش خصوصی‌ده حکومت‌نی دقت سیزلیک‌که عیب‌له‌یدی.
مدنی ترماغ‌لر اعضاسی‌گه کوره، ملی بیرلیک حکومتی‌نینگ شرط‌لریدن بیری سیلاولر تیزیمی‌گه اصلاحات کیلتیریش ایدی؛ بیراق 8 آی اوتیشی بیلن حاضرگه قدر مذکور کمیسیون ایشی‌نی باشله‌مه‌گن.
پارلمان سیلاوی هم سیلاولر تیزیمی‌گه اصلاحات کیلتیریش دلیلی سبب آرتده قالدی.
پارلمان سیلاوی جاری ییل ثور آیی‌ده یولگه قوییلیشی ایتیلگن ایدی، بیراق حکومت اونی یولگه قویلیشی‌نی بیر ییل کیین‌گه قویدی.
