.jpg)
غور محلی اداره‌سی مسؤوللری‌نینگ ایتیشیچه، جمهور رئیس نینگ 336- رقم‌لی تقویتی فرمانی اساسیده، طالبان گروهی نینگ 13 اعضاسی غور مرکزی قماقخانه‌سیدن قوییب یوباریلگن.
غور حاکمی سوزلاوچیسی عبدالحی خطیبی نینگ ایتیشیچه، اوشبو فرمان اساسیده، طالبان گروهی نینگ باشقه 7 اعضاسی‌نی حبس زمانی گه تخفیف بیریلگن.
غور حاکمی سوزلاوچیسی گه کوره، مذکور کیشی‌لر طالبان گروهی تشکیلاتی‌ده اعضالیک، عصیانچیلیک هجوم‌لر و یوللرده ماین ییرلشتیریش عیب‌لاولری بیلن امنیتی کوچلر تامانیدن توتقونگه آلینگن.
غور یشاوچیلری و مدنی فعاللری، مذکور ولایتده طالبان گروهی نینگ محبوس‌لری قوییب یوباریلگنیدن خواطر بیلدیریب ایتیشیچه، اوشبو کیشی‌لر قوییب یوباریلیشی مذکور ولایت نینگ خوفسیزلیک وضعیتی یمانلشی گه سبب بوله‌دی.
غور یشاوچی‌لریدن محمدقاسم صدیقی و مدنی فعال منصور خسرونینگ ایتیشیچه، طالبان گروهی نینگ قوییب یوباریلگن محبوس‌لریدن کوپینچه‌سی قیته‌دن بو گروه گه قوشیلیب و توزوم گه قرشی قورال کوتره‌دیلر.
غور مسؤوللریگه کوره، حاضر غور مرکزی قماقخانه‌سیده 151 محبوس موجود و اولردن 8 ته‌سی عیال دیر.
شو توغریده…
غزنی؛ طالبان قماقخانه‌سیدن 35 کیشی کماندولر تامانیدن قوتقریلدی
