بوگون «پنج‌شنبه» ایرته‌لب مملکت جمهور رئیسی محمداشرف غنی پاکستان باش‌وزیری نینگ رسمی چقیرووی اساسیده، بلند مرتبه‌لی بیر هیأت ییتکچیلیگی‌ده اسلام‌آباد کیتدی.
جمهوررئیس‌لیک سرایی بیر خبرنامه ترقه‌تیب یازیشیچه، جمهور رئیس پاکستانلیک رسمی‌لر بیلن اوچره‌شیب و منطقوی اوله‌نیش، سوداگرلیک و ترانزیت، خوفسیزلیک و تینچلیک توغریسیده صحبت اوتکزه‌دی.
کمیده بیر آی آلدین جمهور رئیس غنی فطر بیره‌می مناسبتی بیلن نطق سوزلب ایتگن ایدی کیم، مکه شهریده اسلامی همکارلیکلر تشکیلاتی بویوک‌لر ییغینی نینگ چیککه‌سیده پاکستان باش‌وزیری بیلن اوچره‌شیب و اسلام‌آباد ده سفر قیلیشی توغریسیده بولگن عمران خان چقیروی نی قبول قیلیب و 6- سرطان ده مذکور مملکتده کیته‌دی.
ایتیلیشیچه، اوتگن جمعه (31- جوزا) مملکت قطار سیاستچی‌لری افغانستان تینچلگی خصوصیده یولگه قوییلگن ایکی کونلیک سوزلشوو اوچون پاکستان‌ده جایلشگن «لاهور تینچلیگی‌نینگ تدقیقاتی مرکزی» کیتگن ایدیلر.
جمهورلیک ریاستی سیلاوی نامزدلری محمدحنیف اتمر و عبدالطیف پدرام، اسلامی جمعیت حزبی نینگ اجرایی باشلیغی عطامحمد نور، اسلامی حزب رهبری گلبدین حکمتیار، اجرایی ریاستی نینگ ایکینچی اورین‌باسری محمد محقق و ملی معاذ حزبی نینگ باشلیغی سیدحامد گیلانی لاهور شهریده سفر قیلگن کیشی‌لرنینگ جمله‌سیدن دیر.
مذکور ییغین اشتراکچی‌لری نینگ ایتیشلریچه، پاکستان رهبرلیگی افغانلرارا سوزلشوولر و بیر آتیش کیسین برقرار ایتیلیشی اوچون طالبان رهبری‌لری بیلن صحبت اوتکزیشی توغریسیده اولرگه ایشانچ بیرگن.
شوندی بیر حالده، کیله‌جک ایکی کونگه قدر تینچلیک سوزلشوولری نینگ 7- دوری طالبان و آمریکا نماینده‌لری آره‌سیده قطرنینگ دوحه شهریده یولگه قوییلیشی ممکن. افغانستان حکومتی سوزلشوولرنینگ اوشبو دوری‌ده افغانلرارا سوزلشوولرگه زمینه یره‌تیلیشی نی کوته‌دیلر.
