سوداگرلیک توغریسیده ینگی اَتشه‌لرنی تانیشتیریش مراسمی‌ده جمهور رئیس محمد اشرف غنی‌نینگ ایتیشیچه، بیرینچی مرته علاقه‌لر برابریده شرط‌لر غلبه قازاندی و بو یوزه‌دن مملکت مدنیت اوزگریشی‌گه گواه بولدی. جمهور رئیس‌نینگ کوپه‌یتیریشیچه، ظرفیت‌لی یاشلردن کوپینچه‌سی حکومت‌دن امیدسیز ایدی؛ چونکه تعیین ایتیش‌لر علاقه‌لر اساسیده عمل‌گه آشردی و ظرفیت‌لی کیشی‌لر علاقه‌لری بولمه‌گنی سبب ایش‌گه آلینمس‌دی.
جمهور رئیس‌گه کوره، سوداگرلیک اتشه‌لری‌نینگ بیرینچی ایشی صادرات و واردات تینگلیگی توغریسیده سعی و حرکت قیلیش دیر. سوداگرلیک اتشه لری خذمت محلی بولگن مملکت‌ده ایچکی توارلر بازارینی تانیب و شونینگ‌دیک، مملکت ایچیده مناسب سرمایه یاتقزیش بولیم‌لرینی تانیشتیریب صادرات و واردات تینگلیگی گه زمینه یره‌ته‌دیلر.
جمهور رئیس‌نینگ کوپه‌یتیریشیچه، اَتشه‌لر اوچون نظرگه آلینگن امتیازلر ظرفیت و کوچ اساسیده بولگن. شو یوزه‌دن دولت اولردن مملکت یشاوچیلری‌نینگ تیریکچیلیک‌لری اوزگریشی توغریسیده سرمایه یاتقزیش و سوداگرلیک خصوصیده، ظرفیت و کوچلریدن فایده‌لنیش‌لرینی کوته‌دی. او، دولت ایچیده بیرلیک بیر توشونچه یوقلیگی و بروکراسی‌نی رواجلنتیریش‌گه قرشی اساسی توسیق‌لر دییدی.
شونینگ‌دیک، اوشبو ییغینده اداری اصلاحات و ملکی خذمت‌لر کمیسیونی باشلیغی نادر نادری‌نینگ ایتیشیچه، بیر مملکت اداره‌لری برقرارلیککه سبب بولیشی کیره‌ک و شو یوزه‌دن اداری اصلاحات کمیسیونی، سوداگرلیک توغریسیده ینگی اتشه‌لر تعیین ایتیلیش لایحه‌سینی طرفسیز، تنیق و شایسته‌سالارلیک اساسیده یکونلتیردی.
اونگه کوره، تعیین ایتیش لایحه‌ده تنیق‌لیک و شایسته‌سالارلیک سبب، مملکت‌ده بیرینچی مرته عیاللر هم سوداگرلیک اتشه‌سی صفتیده تعیین ایتیلگن.
اوشبو مراسم‌ده صنعت و سوداگرلیک وزیری همایون رسانینگ ایتیشیچه، بو مرته اتشه‌لر تخصص و تحصیل بولیمی اساسیده، تعیین ایتیلگن. اونگه کوره، اوشبو بست‌لر اوچون تکلیف قیلگن 900 دن آرتیق کیشی آره‌سیدن یوقاری نمره، کوپینچه تجربه و اقتصاد دن فارغ بولگن 124 کیشی تعیین ایتیلگن.
بو مراسم‌ده ینگی‌لیک‌ده تعیین ایتیلگن اتشه‌لردن بیری صدف دشتی‌نینگ ایتیشیچه، اساسی قیین‌چیلیک‌لردن بیری مملکت سوداگرلریدن کوپینچه‌سی‌نینگ باشقه مملکت‌لردن ییترلیچه معلوماتی یوقلیگی دیر و شو یوزه‌دن او مملکت‌لرنینگ نیازلرینی سیزه آلمه‌یدی. اونگه کوره، اتشه‌لرنینگ اساسی وظیفه‌لریدن بیری ییترلیچه معلومات‌نی سوداگرلرنینگ اختیاریده قوییش دیر.
