نمایندهلر کینگشینینگ بوگونکی عمومی ییغینیده، ایرکین ادارهلر عنوانیدن «ایرکین» کلیمهسی حذف ایتیلیشی توغریسیده جمهور رئیس تامانیدن صادر ایتیلگن تقنینی فرمان و تقنینی حجت آواز بیریشگه قوییلدی.
نمایندهلر کینگشینینگ تقنینی کمیسیونی، مذکور فرماننی مملکت اساسی قانونینینگ منفعتیگه قرشی دیب بیلهدی. اوشبو کمیسیون اعضاسی قاضی نذیراحمد حنفی، سیلاولر شکایتلرینی تینگلش ایرکین کمیسیونینینگ اوز باشیمچهلیگیگه اشاره قیلیب ایتیشیچه، سیلاولر شکایتلرینی تینگلش کمیسیونی کبی ادارهلردن «ایرکین» کلیمهسینی حذف قیلیش، بو ادارهلرنینگ ایرکینلیگینی بوتونلهی سوراققه دوچ قیلهدی.
جناب حنفی گه کوره، جمهور رئیس ادارهلردن «ایرکین» کلیمهسینی حذف قیلیش اوچون فرمان صادر قیلگن و اوزی ایسه، بیر فرمان آرقهلی مسلکی تعلیمات انستیتوتینی ایرکینلشتیرگن و معارف وزیرلیگینی ایکی تقسیم قیلگن.
جمهور رئیسنینگ فرمانی رد یا-ده تصدیقلنیشی اوچون بحث جریانیده، 7 کمیسیون صادر ایتیلگن فرماننی رد قیلگن و شونینگدیک، باشقه 3 کمیسیون تصدیقلگن.
جمهور رئیسنینگ فرمانی تصدیقلنیشینی ایستهگن نمایندهلرنینگ ایتیشیچه، ادارهلردن بیرقطاری، «ایرکین» کلیمهسیدن سوء استعمال قیلیب و هیچ بیر اداره گه جواب بیرمهیدی.
عین حالده، نمایندهلر کینگشی اعضالرینینگ صحبتلریدن سونگ، نمایندهلر کینگشی باشلیغی عبدالرؤوف ابراهیمی، ایرکین ادارهلر عنوانیدن «ایرکین» کلیمهسی حذف ایتیلیشی توغریسیده، جمهور رئیس تامانیدن صادر ایتیلگن تقنینی فرمان و تقنینی حجتنی آواز بیریشگه قویدی.
نمایندهلردن بیرقطارینینگ ایشانچیگه کوره، جمهور رئیس بوندهی فرمانلرنی صادر ایتیب و قانونگذارلیک بحثیده نمایندهلر کینگشینینگ صلاحیتینی آزهیتیرمهسی کیرهک و بونینگ بدلیده اوزگرتیریش ریجهسی ارایه قیلیب بیر ادارهنینگ ایرکین یا-ده ایرکین سیزلیک مسئلهسینی اصلاح قیلیشی لازم.