افغانستان سیلاولر ایرکین کمیسیونی‌نینگ مسؤوللری، جمهورلیک ریاستی سیلاوی‌نینگ نامزدلرینی حجت‌لری تیکشیریلیش جریانی باشلنگنیدن خبر بیرگن.
سلام‌وطندارگه صحبت بیرگن سیلاولر ایرکین کمیسیونی‌نینگ سوزلاوچیسی‌نی اورین باسری عبدالعزیز ابراهیمی‌نینگ ایتیشیچه، کیله‌جک جمهورلیک ریاستی سیلاوی گه نامزد کیشی‌لرنینگ حجت‌لرینی تیکشیریش جریان باشلنگن و بو جریان 2 هفته گچه دوام ایته‌دی.
جناب ابراهیمی گه کوره، کیله‌جک جمهورلیک ریاستی سیلاوی گه نامزد کیشی‌لرنینگ حجت‌لرینی تیکشیریش جریانی یکونلنگنیدن سونگ، اوشبو نامزدلرنینگ دستلبکی رویخطی اعلان قیلینه‌دی.
شونینگدیک، سیلاولر شکایت‌لرینی تینگلش کمیسیون سوزلاوچیسی علی‌رضا روحانی‌نینگ ایتیشیچه، کیله‌جک ییل جمهورلیک ریاستی سیلاوی‌نینگ نامزدلرینی حجت‌لری تیکشیریلیب و بو نامزدلرنینگ دستلبکی رویخطی اعلان ایتیلگنیدن سونگ، شکایت‌لرنی رویخط‌گه آلیش جریان باشلنه‌دی.
کیله‌جک ییل جمهورلیک ریاستی سیلاوی نامزدلری‌نینگ رویخط‌گه آلیش جریانی اوتگن کون یکونلندی و بو جریان گه محمداشرف غنی، عبدالله عبدالله و محمدحنیف اتمر شامل 17 کیشی نامزد بولگن‌لر.
سیلاولر ایرکین کمیسیونی تامانیدن اعلان ایتیلگن تقویم اساسیده، جمهورلیک ریاستی‌نینگ سیلاوی کیله‌جک ییل، 29- سرطان ده یولگه قوییلیشی خصوصیده قرار قیلینگن.
