ننگرهار ولایتی جلال آباد مرکزی‌نینگ 7 ناحیه‌سیگه قره‌شلی بگرامی منطقه‌سیده ناتنیش قوراللی شخصلر ابراهیم ناملی شخص نینگ اوییگه نشه حالت‌ده کیریب او بیلن خاتینینی آتیب اولدیرگن.
ننگرهار ولایتی والیسی نینگ سوزلاوچیسی عطاالله خوگیانی نینگ سلام‌وطندارگه ایتیشیچه، اولدیریلگن شخص کنر ولایتی نینگ یشاووچیسی بولگن او نیچه وقت‌دن بیری جلال آباد شهریده حیات کیچیریب کیلگن.
سوزلاوچی، اولدیریلگن شخص نینگ ایکّی خاتینی بولگن. لیکن، بیرینچی خاتینی‌دن اجره‌لگن ایکن لیگینی تیلگه آلگن.
ولایت والیسی نینگ سوزلاوچیسی، بو توغریده آلیب باریلگن بیرینچی معلوماتلرگه قره‌گنده، حادثه عایله‌وی قیین چیلیک‌دن کیلیب چیققن بولیشی ممکن دیگن. او، بو حقیده تیرگاو دام ایتماقده دیگن.
حادثه نینگ عامللری تانیلمه‌گن. عطاوالله خوگیانی واقعه نینگ عامللری قولگه آلینیشی اوچون پولیس تیرگاو باشله‌گن لیگی حقیده اشاره قیلگن.
یقینده بو قبیل حادثه‌لر ننگرهار ولایتی نینگ بهسود، شیرزاد و باشقه بیر قنچه تومنلرده یوز بیرگن لیگی کوزه تیلگن.
ولایت خاتین قیزلر اداره‌سی نینگ بیرگن معلوماتیده، اوتگن ییل ننگرهار ولایتی عیاللر ایشلری بیلن مشغول اداره بونده‌ی واقعه‌لرگه عاید 225 دوسیه‌نی رویخطگه آلگنی قید ایتیلگن.
