سلام‌وطندارگه صحبت بیرگن غزنی ولایت کینگشی‌ده جغتو اهالیسی‌نی نماینده‌سی نصیراحمد فقیری‌نینگ ایتیشیچه، اوتگن کیچه ساعت 12 ده قوراللی طالب‌لر جغتو تومنی اوستیگه هجوم قیلگن و مذکور تومن‌نینگ بِناسی‌نی نیچه ساعت نظارت گه آلگن.
فقیری‌نینگ ایتیشیچه، قوراللی طالب‌لر تومن بِناسی‌نی نظارت گه آلگنیدن سونگ، برچه نرسه‌سینی اوتگه یاندیرگن و بوگون ایرته‌لب منطقه‌نی ترک قیلگن‌لر.
فقیری گه کوره، قوراللی طالب‌لر زنه‌خان و واغظ تومن‌لری‌نینگ اوستیگه هم هجوم قیلگن.
عین حالده، غزنی حاکمی سوزلاوچیسی محمدعارف نوری‌نینگ ایتیشیچه، قوراللی طالب‌لرنینگ هجومی آرقه‌گه اوریلگن و جغتو تومنی‌نینگ بِناسی آتیشمه‌لر جریانیده اوتگه یانگن.
نوری گه کوره، آتیشمه‌لر جریانیده واغظ تومنیده 8 جنگری طالب هلاک و باشقه 7 ته‌سی یره‌لنگن. اونینگ کوپه‌یتیریشیچه، زنه‌خان تومنیده پولیس کوچلری‌نینگ خاص قطعه‌سینی بیر قومندانی 3 عسکر بیلن هلاک ایتیلگن و باشقه 4 ته‌سی یره‌لنگن.
غزنی حاکمی سوزلاوچیسی گه کوره، باشقه منطقه‌لرده امنیتی کوچلر قربانلیک بیرمه‌گن.
قوراللی طالب‌لر حاضرگچه بو توغریده میدیاگه هیچ نرسه دیمه‌گن.
