انوارلحق احدی باشچیلیگیدهگی ملی نوین جبههسی، حکومت رهبرلری اورتهسیده موجود قرمه قرشیلیکلر شخصی و بوتون قیین چیلیکلر ملی بیرلیک حکومتیدن کیلیب چیقهدی دیگن.
بوگون (پنجشنبه) کابلده مطبوعات ییغینیده چیقیش قیلگن جناب احدی، حکومت رهبرلری اورتهسیدهگی قرمه قرشیلیک وقتینچهلیک دیدی. قیین چیلیک حل بولگن حالده، تیزیم نینگ ناقانونیلیگی تیزلیکده ینه بولرنینگ ایچکی ضدیتلری قیته باشلنهدی دیگن او.
احدی، مملکتدهگی تیزیم ناقانونی لیگینی حل ایتیش نینگ بیرینچی یولی سیلاولر اوتکزیلیشیگه باغلیقلیگی اوستیده اورغولهگن.
اونینگ سوزلریگه کوره، حکومت تیزیمیده اجراییه ریاستی اوچون لوازم ایجاد بولیشی جمهور رییس بیرینچی اورین باسری صلاحیتلری چیکلهنیشیگه سبب بولگن.
حکومت رهبرلری اورتهسیدهگی موجود قیینچیلیکلرنی رد قیلگن جمهور رییس سوزلاووچیسی نینگ اورین باسری شاهحسین مرتضوی، تعین ایتیلگن زماندن آلدین سیلاو اوتکزیلیشی اساسی قانونگه قرشی لیگینی تیلگه آلگن.
جمهور رییسلیک سرایی نینگ اهالی تکلیفی و فکریگه حرمتی بارلیگینی تیلگه آلگن جناب مرتضوی، هر قندهی بیر تکلیف مملکت اساسی قانونیگه قرشی بولمسلیگی بیرینچی شرط دیدی.
اخیرگی کونلرده حکومت رهبرلری اورتهسیدهگی ضدیتلر اوجیگه ییتدی. جمهور رییس، بیرینچی اورین باسر و عبدالله عبداللهلر ارهسیده موجود قیینچیلیکلر حکومت بلند مرتبهلی رسمیلری آرقهلی رد ایتیلگن.
سونگی مورد ده جمهور رییس نینگ بیرینچی اورین باسری عبدالرشید دوستم، جمهور رییس غنینی قومپرستلیککه عیبلهگن ایدی.