افغانستان بوییچه آمریکا ایلچیسی جان بس، ملی خوفسیزلیک عمومی ریاستی تامانیدن لوگر مدنی جماعه‌چیلیک اداره‌سی نینگ باشلیغی توتقونگه آلینگنیدن تنقید قیلیب و بو ایشنی قبول قیلینمس دیگن. او، لوگر مدنی جماعه‌چیلیک اداره‌سی نینگ باشلیغی محمدموسی محمودی و پکتیا ولایتی بوییچه انسان حقوقی فعالی احسان‌الله حمیدی توتقونگه آلینگنی گه عکس‌العمل بیلدیریب ایتیشیچه، افغانستان ملی خوفسیزلیک ریاستی تامانیدن سابق شوروی تاکتیک‌لری فایده‌لنیشی‌دن خواطرده دیر.
جناب بس، فارسی تیلی گه قیلگن توییتیده یازیشیچه، «افغانستان ملی خوفسیزلیک ریاستی نینگ شوروی کبی تاکتیک‌لریدن خواطرده من. افغانستان باله‌لریدن حمایت قیلیش مقصدلری بولگن مدنی جماعه‌چیلیک فعاللریدن زوروانلیک و تهدید بیلن گپ آلیشی قورقینچ‌لی دیر.
کابل بوییچه آمریکا ایلچیسی نینگ اوشبو توییتیدن سونگ، مملکت جمهور رئیسی محمداشرف غنی هم لوگرده باله‌لردن جنسی سوءاستعمال قیلیش گزارشی‌نی خواطرلی دیدی.
شونینگدیک، جناب غنی معارف وزیرلیگی گه بویروغ بیریب و تیزلیک‌که لوگر ولایتی نینگ ایریم قسمت‌لریده مکتب‌لرنینگ اوقووچیلریدن جنسی سوءاستعمال قیلینیش ادعاسی بولگن تفصیلاتلی گزارشی نی اونینگ اختیاریده قوییشی نی طلب قیلدی.
جمهورلیک ریاست سرایی تامانیدن ترقه‌تیلگن خبرنامه‌ده یازیلیشیچه، جمهور رئیس ملی خوفسیزلیک ریاستی گه اوشبو موضوع توغریسیده بولگن حرکت‌لرینی توخته‌تیشی خصوصیده بویروغ بیرگن، چونکه انسان حقوقی مدافع‌لری و مدنی فعاللرنینگ خوفسیزلیگی‌نی تأمین‌لش خوفسیزلیک کوچلری نینگ مسؤولیت‌لریدن بوله‌دی.
جناب غنی نینگ ایتیشیچه، بونده‌ی قضیه‌لر باش‌قاره‌لاوچیلیک اداره‌سی و افغانستان بوییچه انسان حقوقی ایرکین کمیسیونی تامانیدن تیکشیریلیشی کیره‌ک.
جمهور رئیس نینگ اورغولشیچه، ایرته «پنجشنبه، 7- قوس» فسادگه قرشی کوره‌ش و قانون حاکمیتی بوییچه عالی کینگش ییغینی یولگه قوییلیب انسان حقوقی مدافع‌لری نینگ خوفسیزلیگی تأمین‌لنیش موضوعی و بو توغریده کوتریله‌دیگن آدیم‌لر تیکشیریلیشی خصوصیده، قرار قیلینیشی ممکن.
عین حالده، افغانستان باشکینتی کابل‌ده لوگر مدنی جماعه‌چیلیک اداره‌سی نینگ باشلیغی و پکتیا ولایتی بوییچه انسان حقوقی فعاللریدن بیری درک‌سیز یوقالگن‌لریدن کمیده بیر هفته اوتگنیدن سونگ، اوتگن کون ملی خوفسیزلیک اداره‌سی نینگ اعلان قیلیشیچه، مذکور کیشی‌لر ملی خوفسیزلیک ریاستی نینگ تورمه‌خانه‌سیده بولگن. اوشبو ریاست نینگ ایتیشیچه، لوگر مدنی جماعه‌چیلیک اداره‌سی باشلیغی نینگ معلوماتی ناتوغری بولگن و بولر خاص بیر ماجرا ایجاد قیلیب و اوندن سونگ، چیت‌ایللیک مملکت‌لردن بیری ده عایله‌سی اوچون باش‌پناهلیک سوره‌ش نیتی‌ده بو موضوعنی اورته گه چیقاریشگن.
لوگر مدنی جماعه‌چیلیک اداره‌سی نینگ باشلیغی محمدموسی محمودی و پکتیا ولایتی بوییچه انسان حقوقی فعاللریدن بیری احسان‌الله حمیدی، لوگر مدنی جماعه‌چیلیک اداره‌سی تامانیدن تیارلنگن بیر گزارش نشر قیلینگنیدن سونگ، اوتگن هفته پنجشنبه کون باشکینت کابل‌ده ملک‌اصغر تورت یولی و صدارت آره‌سیده بولگن یولدن درک‌سیز یوقالیشگن.
بو ایش مدنی جماعه‌چیلیک اداره‌لری و انسان حقوقی مدافع‌لری نینگ جدی تنقیدلری و عکس‌العمل‌لریگه روپه‌ره بولدی.
اوشبو اداره‌لرنینگ مسؤوللری، محکمه حکم بیرمس‌دن مذکور ایکی کیشی ملی خوفسیزلیک عمومی ریاستی تامانیدن توتقونگه آلینگنینی قانون گه قرشی بیلیب و حکومت نینگ بو ایشی‌نی سوز ایرکین‌لیگی‌نی چیکلاولنتیریش دییشگن.
شو توغریده…
ملی خوفسیزلیک؛ لوگر مدنی جماعه‌چیلیک باشلیغی‌نینگ بیاناتی باش‌پناه اوچون بولگن
