جاری ییلنینگ بیرینچی 6 آییده مملکت‌ده 10 خبرچی و ییتکرمه فعالی قربان بولگن و باشقه 12 رسانه‌چی تَن جراحتی آلگن.
بوگون کابل‌ده خبری انجمن اوتکزگن افغانستان‌ده خبرچیلر فعالیتی بیلن مشغول کمیته نینگ مسووللری آلتی آیلیک گزارش‌نی نشر قیلیب، جاری ییلنینگ بیرینچی آلتی آییده افغانستان بویلب خبرچیلرگه قرشی یوز بیرگن 73 زوروانلیک رویخط‌گه آلینگن دیدیلر. بو حادثه‌لر 10 قتل، 12 یره‌لنتیریش، 19 مورد کلتکلش، 18 اهانت، 6مورد تهدید و 5واقعه وقتینچه‌لیک حبس‌گه آلیش‌دن عبارت بولگن.
رسمیلر، سونگی آلتی آیده مملکت نینگ شرقی و مرکزی حوزه‌سی داخل شمالی ولایتلر و کابل خبرچیلرگه قرشی زورانلیک کوپ یوز بیرگن حدودلردن حسابلنگن لیگینی تیل‌گه آلگنلر.
شونینگدیک خبرچیلرگه قرشی زوروانلیک اینگ کم یوز بیرگن حدود مملکت جنوبی ایکن لیگی بو گزارش‌ده قید ایتیلگن.
افغانستان خبرچیلر امنیت کمیته‌سی نینگ باشلیغی نجیب شریفی، بو رقم ایسه میلادی 2016- ییلنینگ بیرینیچی آلتی آییگه قره‌گن‌ده 35% آشگن‌لیکنی کورسته‌دی دیگن. حال بوکه اوتگن ییل بیرینچی آلتی آیده خبرچیلرگه ضد 54 زورانلیک یوز بیرگن.
جناب شریفی، 10 خبرچی ایسه توغریدن – توغری داعش یا – ده جنگری طالبان همده ترورچیلیک هجوملرده قربان بولگن دیدی.
رسمی معلوماتلرده مذکور آلتی آیده خبرچیلرگه قرشی 34 مورد زوروانلیک دولت همد امنیتی کوچلر آرقه‌لی یوز بیرگن؛ بو ایسه خبرچیلرگه قرشی یوز بیرگن زورانلیک نینگ 46% تشکیل ایته‌دی.
ژورنالیستلر فعالیتی بیلن مشغول کمیته‌نینگ گزارشی‌ده، داعش و قوراللی طالبلردن تقشری دولت، ایریم موردلرده نماینده‌لر مجلسی‌نینگ اعضالری، ولایتی کینگش اعضالری، والی‌لر، محلی زوروانلر و ناقانوی قوراللی شخصلرهم خبرچیلرگه قرشی زوروانلیک عمللرینی صادر قیلگنلردن حسابلنه‌دی.
شونینگدیک گزارش‌ده، افغانستان بویلب نابرقرارلیک میزانی آشگن‌لیگی باعث ییتکرمه‌لرده‌گی عیال خبرچیلرنینگ سانی کوزگه کورینرلی درجه‌ده کمه‌یگنی اشاره بولگن.
لیکن، بیر قطار خبرچیلرنینگ سلام‌وطندارگه ایتیشیچه، افغانستان بویلب خبرچیلرگه یوز بیرگن زورانلیک حاللری اوشبو کمیته تامانیدن ترقه تیلگن حسابات‌گه قره‌گن‌ده بیر مونچه کوپ دیر.
نجیبه زمان، خبرچیلر زوروانلیک‌که روپه‌ره بولیش‌دن علاوه ایش مصونیتی یوق لیگیدن هم جدی خواطرده لر دیدی. حسیبه اتکوال، خبرچیلرده ایش ضمانتی یوق، فقط بجرگن ایش مقابلی‌ده حقوق قول‌گه کیریته‌دیلر دیدی.
مملکت‌ده خبرچیلر فعالیتی بیلن شغللنه‌نیب کیله دیگن کمیته اخبارات و مدنیت وزیرلیگی آرقه‌لی ایشلب چیقیلگن قانون اساسن مملکت‌ده‌گی بوتون ییتکرمه‌لرگه رسمی نامه یوباریلگن، نامه‌ده ییتکرمه‌لردن ایشلاوچیلری‌نینگ ایش شرطنامه‌سی سوره‌لگن. اما، اوشبو شرطنامه‌لر ناقانونی بولگن‌لیگی اوچون شرطنامه‌لر ییتکرمه‌لر طرفیدن هلیگچه هم وزیرلیک‌که یوباریلمه‌گن.
