بو آقشام ساعت 7 ده، کابل تهیه مسکن یتیم خانه‌سیده حیات کیچیره‌دیگن 500 گه یقین یتیم خانه باله‌لرگه تورکیه دولتی‌نینگ انسان پرورلیک موسسه‌سی «تیکا» تامانیدن افطارلیک حاضرنلدی.
حاضرلنگن افطارلیک کابل‌ده ایرلشگن تیکا دفتری باشلیغی سلیمان شاهین و ایش – اجتماع و شهیدلر وزیری، نسرین اوریاخیل اشتراکی بیلن یتیم باله‌لر سفره‌سیده ترقه‌تیلدی.
جناب شاهین، رمضان مبارک آیی‌نینگ گناهلرنی کیچیرووچی، رحمت‌لر یاغیله‌دیگن و اوچماخ اوتیدن بنده‌لرنی قوتقرووچی آی ایکن‌لیگی مناسبتی بیلن مذکور آی دوامی‌ده خیرلی و انسان پرورلیک ایشلرنی نظرده توتگن‌لیگینی بیلدیردی.
رمضان مبارک آیی کیریب کیلیشی بیلن حاضرگه قدر تیکا دفتری یوزلرچه نیازمند عیاله‌لرگه انسان پرورلیک کومکینی قیلگن‌لیگی ایتیله‌دی.
شونینگ‌دیک ایش- اجتماع، شهیدلر و معلوللر وزیری نسرین اوریاخیل ایسه، تورکیه دولتی نینگ افغانستان خلقی و دولتی بیلن یقین یاردمچی بولگن‌لیگی اساسیده اوز منت‌دارچیلیگینی بیلدیردی.
بو آقشامگی افطارلیک مراسمی کابل تهیه مسکن یتیم خانه‌سیده‌گی یتیم باله‌لرگه آقشام‌لیک آوقت بیریلیشی بیلن یکونله‌دی.
تیکا دفتری انسان پرورلیک ایشلری یانیده، افغانستان بویلب باله‌لرگه اوقیش زمینه‌سی یره‌تیلیشی، معارف ترقیاتی و مملکت اقتصادی یوکسلیشی اوچون ییریک حامی‌لریدن سنله‌دی.
