بوگون تینچ‌لیک یوکسک کینگش سوزلاوچیسی و ولسی جرگه اعضاسی شهزاده شاهدنینگ سلام‌وطندار بیلن اوتکزگن صحبت‌ده ایتیشیچه، تینچ‌لیک سوزله‌شیشلری ناکام قالیشی ممکن ایمس.
جناب شاهدنینگ بیلدیریشیچه، طالبلر گروهی ارا ینگی رهبرتنله‌ش اوچون قرمه قرشی‌لیکلر تاپیلگن لیگی سبب، تینچ‌لیک سوزله‌شیشلری اوتکزیلیشی انیقلنمه‌گن زمانگه قدر قالیشی ممکن، بیراق ناکام بولمس‌لیگی کوزه‌تیله‌دی.
ایتیلیشیچه، طالبلر آلدینگی رهبری ملاعمر اولیمی و اونینگ اورنیگه تنله‌نیش قرمه قرشی‌لیکلری یوزه‌گه کیلیب قالگن.
ملاعمر اولیمیدن بیرکون کیین، طالبلر بیر اعلامیه آرقه‌لی ملا اخترمحمد منصورنی اونینگ اورنیگه تنله‌گنلر. بیراق طالبلر باشلیغ‌لریدن کوپیسی، ملا عمر کتته اوغلی مولوی محمدیعقوب بیلن منصور نینگ ینگی رهبرعنوانیگه تنله‌نیشی‌گه قرشی‌لیک کورستگنلر.
ملا عمر کتته اوغلی‌نینگ ایتیشیچه، ملامنصور رهبرلیگی‌گه جدی قرشی و اوندن اطاعت قیلیش امکانی یوق.
شو سونگی‌ده طالبلر باشلیغ‌لریدن بیری، ملا عبدالمنان نیازی هم تیزلیک‌ده ملاعمر اورنیگه ینگی رهبرتنله‌نیشی ممکن دیگن ایدی.
جناب شاهدگه کوره، طالبلر ملا اخترمحمد منصور و ملا برادر اورته‌سیده مذکور گروه رهبرلیک مساله‌سی اوچون قرمه قرشی‌لیکلر روی بیرگن، ولی بولردن قیسی‌سی هم طالبلر رهبرلیگی‌گه کیلسه تینچ‌لیک سوزله‌شیشلریگه قیزیقه‌دیلر.
طالبلر سابق اعضالریدن بولمیش سیداکبر آقانینگ ایتیشیچه، بوگروه رهبرلیگی اوستیگه تاپیلگن قرمه قرشی‌لیکلر دوم تاپمیدی و تیزلیک‌ده طالبلر کیله‌جک رهبرلری اوچون هرتامانلمه کیلیشه دیلر. او شونینگ‌دیک تینچ‌لیک سوزله‌شیشلری اوچون رهبرلیک سطح‌گه کیله‌دیگن اوزگریشلر سلبی تأثیر قویمس‌لیگی‌گه ایشانه‌دی.
ایش بیلرمانلردن کوپیسی مذکور قرمه قرشی‌لیکلر افغانستان حکومتی بیلن طالبلر ارا بوله‌دیگن تینچ‌لیک سوزله‌شیشلریگه سلبی تأثیر قویشه‌دی و ایکی تامان کیلیشگن صورتده آتش‌بس بولیشی کوزه‌تیله‌دی، طالبلر باشلیغ‌لری اونی قبول قیلمس‌لیکلری ممکن دیب توشینه‌دیلر.
اما تینچ‌لیک یوکسک کینگش سوزلاوچیسی‌گه کوره، طالبلر گروهی باشلیغ‌لری تینچ‌لیک سوزله‌شیشلرینی دوام ایتدیریشگه قیزیقه‌دیلر و افغانستان بو سوزله‌شیشلر قیته‌دن باشله‌نیشینی کوته‌دی.
شونینگ‌دیک تینچ‌لیک یوکسک کینگشی سوزلاوچیسی‌نینگ بیلدیریشیچه، او ایکی یریم ییل آلدین نماینده‌لرکینگشی سری اولتیریشی‌ده ملا عمرنینگ اولگن‌لیگی‌نی ایتگن ایکن، بیراق ایریم سیاسی گپ‌لر بارلیگی دلیل بوخبر رسانه‌لرگه چیقمه گن ایکن.
جناب شاهدنینگ کوپه‌یتیریشیچه، تینچ‌لیک سوزله‌شیشلر بیرینچی دوریدن ملا اخترمحمد منصورنی خبری بار ایکن.
افغانستان حکومتی و طالبلر ارا تینچ‌لیک سوزله‌شیشلر ایکینچی دوری اوتگن جمعه بولیب اوتیلیشی کوتیلردی، بیراق ملاعمر اولیمی چیقیشی بیلن کیینگه قالگن.
حاضرگه قدر تینچ‌لیک سوزله‌شیشلری قیسی زمانده قیته‌دن باشله‌نیشی انیق ایمس.
