افغانستانی قوتقریش یولی کینگشی باشلیغی و طالبان گروهی‌نینگ سابق اعضاسی سید اکبرآغا نینگ سلام‌وطندارگه ایتیشیچه، بوگون "دوشنبه" قطر باشکنتی دوحه‌ده آمریکا هیاتی و ملا عبدالغنی برادر اشتراکی بیلن یولگه قوییلگن تینچلیک سوزلشووده چیت‌ایللیک کوچلرنینگ افغانستاندن چیقیشی توغریسیده صحبت قیلینهدی.
طالبان گروهی‌نینگ اوشبو سابق اعضاسی گه کوره، بو گروه نماینده‌لری آمریکا بیلن چیت‌ایللیک کوچلرنینگ افغانستاندن چیقیشی خصوصیده کیلیشگن حالده، افغانستان حکومتی بیلن مذاکره قلیش‌گه تیار بوله‌دی.
سیاسی ایش بیلرمان‌لردن بیری محب‌الله شریف نینگ ایتیشیچه، بوگون قطر ده یولگن قوییلگن ییغینده طالبلرنینگ افغانستان تیزیمی‌گه شامل بولیشی، چیت‌ایللیک کوچلرنینگ افغانستاندن چیقیشی و باشقه موضوع‌لر خصوصیده بحث قیلینیشی ممکن.
اونینگ ایتیشیچه، بیر ییغینده بوتون موضوع‌لر خصوصیده کیلیشیش ممکن ایمس.
شو توغریده:
ملا عبدالغنی برادر طالبلرنینگ قطرده‌گی دفتری نی باشلیغی بولدی
خلیلزاد دوحه ییغینی توغریسیده معلومات بیردی
دوحه ییغینی؛ تینچلیک سوزلشوولرینی نتیجه‌سی نامعلوم دیر
دوحه ییغینیده افغانستان‌نینگ 17 ییل‌لیک اوروشی یکونله‌نیشی اوستیگه کیلیشیلدی
بوگون "دوشنبه" ملا عبدالغنی برادر رهبرلیگی‌ده بولگن طالبلر هیاتی دوحه ده زلمی خلیلزاد رهبرلیگی‌ده بولگن آمریکا هیاتی بیلن افغانستان تینچلیگی خصوصیده مذاکره قیلیشی ممکن.
قطار ایش بیلرمان‌لرگه کوره، ملا برادر طالبان گروهی‌نینگ اعتبارلی اعضالریدن دیر و آمریکا هیاتی آره‌سیده صورت تاپگن کیلیشوو مذکور گروه تامانیدن قبول ایتیله‌دی.
