بوگون «چهارشنبه» کابلده یولگه قوییلگن اورته و کیچیک تشبث‌کارلرگه قرضه بیریش ییغینیده نطق سوزله‌گن صناعت و سوداگرلیک اتاقی اورین باسری خان‌جان الکوزی نینگ ایتیشیچه، تینچلیک سوزلشوولری خصوصیده مملکت سیاستچی‌لریدن بیرقطاری و حکومتی مسؤوللرنینگ آره‌سیده بولگن قره‌مه قرشی‌لیک‌لر سوداگرلر و سرمایه یاتقیزووچی‌لرنی خواطرگه سالگن.
جناب الکوزی گه کوره، سوداگرلر اوتگن 18 ییل جریانیده ایریم بولیم‌لرده کمیده 50 میلیارد دالر سرمایه یاتقیزگنلر و سرمایه یاتقیزیش آرقه‌لی 200 مینگ کیشی‌گه ایش زمینه‌سینی یره‌تگنلر.
صناعت و سوداگرلیک اتاقی اورین باسری‌نینگ ایتیشیچه، سوداگرلر تینچلیک ایسته‌یدی، بیراق سرمایه‌لری‌نینگ نابود ایتیلیشی‌گه سبب بوله‌دیگن تینچلیک‌نی ایستمه‌یدیلر.
عین‌حالده، اقتصاد وزیری مصطفا مستورنینگ سوداگرلرگه اطمینان بیریب ایتیشیچه، حکومت خصوصی سکتورلرگه خاص برنامه‌لرنی قولگه آلگن و تینچلیک تامین ایتیلگن حالده، اوروش اقتصادی نینگ تینچلیک اقتصادیگه اوزگریلیشی ممکن.
کیله‌جک هفته افغانستان حکومتی و سیاستچی‌لریدن تشکیل تاپگن هیات طالبان نماینده‌لری بیلن تینچلیک توغریسیده مذاکره قیلیش خصوصیده قطرگه باریش اوچون قرار قیلگن بیر چاغده، مملکت سوداگرلری سرنوشت‌لری توغریسیده خواطر بیلدیره‌دیلر.
