بوگون «دوشنبه» هرات شهریده خبری بیر ییغین اوتکزگن جمهورلیک ریاست سیلاوی نینگ نامزدی فرامرز تمنا، جمهور رئیس غنی نینگ تیمی تامانیدن تینچلیک سوزلشوولری و سیلاو مهندسلیک بوله‌دی دیب و بوندن جدی شکلده تنقید قیلگن.
جناب تمنا، تینچلیک سوزلشوولری جریانیده افغانستان دولتی و آمریکانینگ برنامه‌سیزلیک‌لریدن تنقید قیلیب ایتیشیچه، آمریکا قوشمه ایالت‌لری و افغانستان حکومتی سیلاو اوچون طالبان گروهی بیلن مذاکره قیله‌دی دیگن.
شونینگدیک، جمهورلیک ریاست سیلاوی اوشبو نامزدی نینگ ایتیشیچه، تینچلیک ایشلری بوییچه دولت وزیرلیگی قوریلیشی دن مقصد، تینچلیک جریانی اوچون اختصاص بیریلگن بودجه‌لر جمهور رئیس غنی نینگ سیلاو کمپاین‌لریده صرف ایتیلیشی دیر.
جناب تمنا، سیلاو کمیسیونی و حکومتی اداره‌لرده بولگن تعییناتلر، ایش‌دن آلیب و ایش‌گه آلیش‌لردن تنقید قیلیب ادعاقیلیشیچه، اشرف غنی و عبدالله عبدالله جمهورلیک ریاست سیلاوی نینگ نامزدلری صفتیده رویخط‌گه آلینگنیدن باشلب، بوتون تعییناتلر و ایش‌دن آلیب و ایش‌گه آلیش‌لر غیرقانونی و جمهورلیک ریاست سیلاوی مهندسلیک قیلینیشی اوچون دییدی.
بیراق، جمهورلیک ریاست سوزلاوچیسی صدیق صدیقی، بو ادعالرنی رد قیلیب سلام‌وطندارگه ایتیشیچه، تینچلیک مذاکره‌لری و کیله‌جک سیلاو خصوصیده حکومت تامانیدن بولگن سعی و حرکت‌لری اساسی قانون و ملی منفعت اساسیده بولیب و قانون گه قرشی هیچ بیر ایش قیلینمه‌گن.
جناب صدیقی گه کوره، تینچلیک لایحه‌سیده حکومت نینگ هیچ بیر مصلحت‌گرالیگی یوق دیر و بوتون سعی و حرکت‌لر خلق و ملی منفعت اوچون قیلینه‌دی.
سونگی بیر آیده سیلاو تیم‌لری نیچه مرته سیلاو و باشقه بولیم‌لر خصوصیده حکومت نینگ ایشلریدن تنقید قیلگن.
