احمدولی هوتک، مشاور بخش ورزشی جوانان کمیتۀ ملی المپیک و قهرمان مبارزات آزاد افغانستان امروز (چهارشنبه) با تیم 7 نفری روانۀ تاجیکستان شد.
آقای هوتک می‌گوید، برای نخستین‌بار 6 مبارز آزاد افغانستان در رقابت‌های جهانی در تاجیکستان اشتراک می‌کنند. به گفتۀ او، این رقابت به تاریخ 4 فبروری به میزبانی تاجیکستان در شهر دوشنبه برگزار می‌شود.
آقای هوتک می‌گوید که ورزشکاران افغان در این رقابت‌ها برابر حریف‌های اوزبیکستانی، ایرانی و تاجیکستانی‌شان به میدان می‌روند.
گفتنی‌ست که احمدولی هوتک در چندین رقابت آزاد جهانی به نماینده‌گی از افغانستان اشتراک کرده است که تاکنون 2 بار در برابر حریف روسی و 3 بار هم در برابر حریف هندی‌اش پیروز میدان شده است.
