تیم هاکی افغانستان به پاکستان رفت

تیم ملی هاکی کشور برای نخستین بار در رقابت‌های سری عمومی هاکی به میزبانی پاکستان اشتراک می‌کند.

این تیم 18 نفره امروز روانۀ پاکستان شد.

حفیظ‌الله ولی رحیمی، رئیس المپیک و تربیت بدنی هنگام بدرقۀ تیم ملی هاکی کشور می‌گوید که امیدوار است تا افغانستان با دست پر از این رقابت به کشور باز گردد.

این رقابت‌ها در ماه جاری (دسامبر) به تاریخ 17 آغاز شده و تا 26 ادامه می‌یابد.

به شمول افغانستان در این رقابت‌ها تیم‌های قزاقستان، نیپال و اوزبیکستان در لاهورِ پاکستان به مصاف هم می‌روند.

بر بنیاد معلومات، پاکستان صرفاً میزبان این رقابت‌ها است و تیم این کشور در این بازی‌ها اشتراک نمی‌کند.

بر پایۀ زمان‌بندی اعلام‌شده، افغانستان در برابر اوزبیکستان، قزاقستان و نیپال به ترتیب در تاریخ‌های 17، 19 و 21 دسامبر قرار می‌گیرد.