تیم فوتبال 15 سال افغانستان به مصاف تاجیکستان می‌رود

تیم فوتبال 15 سال افغانستان عصر امروز به مصاف تاجیکستان می‌رود. این بازی نخستین رویارویی تیم‌های 15 سال کشورهای آسیای مرکزی است.

بر بنیاد اطلاعات فدراسیون فوتبال کشور، این بازی ساعت 8:30 امشب به وقت افغانستان در شهر حصارِ تاجیکستان برگزار می‌شود.

در این رقابت‌ها به شمول افغانستان، تاجیکستان، ترکمنستان، قرغزستان و ازبیکستان حضور دارند؛ پیش از این ایران نیز در این رقابت‌ها حضور داشت، اما این کشور در این دور، از حضور انصراف داد.

فردا، پس‌فردا و شنبۀ هفتۀ آینده در ادامۀ این رقابت‌ها افغانستان به ترتیب به مصاف قرغزستان، ترکمنستان و اوزبیکستان می‌رود.

سیدهادی کاظمی، مربی تیم فوتبال 15 کشور می‌گوید که بازیکنان افغانستان از آماده‌گی‌های کاملی برخوردارند.

حلیم‌آقا شیرزاد، یاسین رحمانی و شفیق‌الله در این رقابت‌ها به عنوان داوران اشتراک می‌کنند.