سیاسی ایش بیلرمانلردن بیرقطاری‌نینگ ایتیشیچه، تیزیم ایچیده ایریم کیشیلر ایران و روسیه مملکت‌لری داعش گروهی‌نینگ فعالیتی‌نی آلدی آلینیشی اوچون طالبان گروهی بیلن علاقه قوریب و بو گروه دن حمایت قیلیش‌لری توغریسیده سعی و حرکت قیله‌دیلر.
سیاسی ایش بیلرمان کابل‌خان تدبیرنینگ ایتیشیچه، کوپ ییل‌لردن بویان ایریم کیشیلر تشقی مملکت‌لرنینگ بویروغی بیلن افغانستان تیزیمی‌نینگ ایچیده فعالیت قیله‌دیلر.
تدبیرگه کوره، پاکستان طالبان گروهی‌نینگ اورنی گه داعش گروهی‌نی ایجاد قیلیب و افغانستان گه یوبارگن.
اونینگ ایتیشیچه، داعش گروهی پاکستان تامانیدن جوده کته کورسه‌تیلگنی باعث، منطقه مملکت‌لریدن بیرقطاری، بو گروه نی اوز منفعت‌لریگه قرشی جدی تهدید بیله‌دیلر.
شونینگدیک، میدیالردن بیری گه صحبت بیرگن ملی خوفسیزلیک عمومی ریاستی‌نی سابق باشلیغی رحمت‌الله نبیل‌نینگ ایتیشیچه، اونگه ییتیشگن معلومات اساسیده، تیزیم ایچیده ایریم کیشیلر ایران و روسیه مملکت‌لری داعش گروهی‌نینگ فعالیتی‌نی آلدی آلینیشی اوچون طالبان گروهی بیلن علاقه قوریب و بو گروه دن حمایت قیلیش‌لری توغریسیده سعی و حرکت قیله‌دیلر.
نبیل گه کوره، ایران حکومتی داعش گروهی‌نینگ فعالیت‌لری گه توسیق بولیش اوچون مذکور مملکت بیلن رسمی شرطنامه امضاءلنگن.
شو توغریده…
ملی امنیت حکومت ایچی‌ده‌گی «بیشینچی ستون» نی تأیید قیلدی
مدنی فعال‌لر حکومت‌ده «بیشینچی ستون» نفوذ قیلگنی باره‌سیده خواطر بیلدیردی
اعتراضچیلر: بیشینچی ستون سوز ایرکین لیگینی اوچیرماقچی
ملی خوفسیزلیک عمومی ریاستی‌نی سابق باشلیغی‌نینگ ایتیشیچه، افغانستانده یوز بیره‌دیگن خودکش و پارتلش هجوم‌لرنینگ کوپینچه‌سینی مسؤولیتی داعش گروهی گه نسبت بیریله‌دی، لیکن بو هجوم‌لر پاکستانده حقانی ترماغی تامانیدن ریجه‌لشتیریله‌دی.
شونینگدیک، سیاسی ایش بیلرمانلردن باشقه بیری محمدحسن حقیارنینگ ایتیشیچه، تیزیم ایچیده یوقاری لوازم‌لرده بولگن قطار کیشیلر طالبان گروهی همکارلیک قیلیش اوچون سعی و حرکت قیله‌دیلر.
بو گزارش‌ده حکومت‌نینگ فکرینی اورگه‌نیش اوچون علاقه قوردیک؛ بیراق کیین مه کیین قونغیراقلر نتیجه‌سیده مؤفق بولمه‌دیک.
بوندن آلدین هم ملی کینگش اعضالری و سیاستچی‌لردن بیرقطاری، نیچه مرته طالبان گروهی ایران و روسیه تامانیدن حمایت قیلینیشی توغریسیده خواطر بیلدیرگن ایدیلر.
