داعش جنایتلرینی مستند کوچیریب آلووچی سوری‌لیک تانیقلی فلم‌ساز همده خبرچی ناجی جرف، تورکیه‌ده ناتانیش شخص تامانیدن سوی‌قصد قیلیندی.
اکتوبر آیدن حاضرگه قدر بو سوری‌لیک ترور بولگن خبرچی‌لردن اوچینچی‌سی دیر.
جرف «حنتاح» آی‌لیگی باش محرری ایدی. او، داعش تصرفی‌گه بولگن ییرلرده انسان حقوق‌لری نقض بولیش و خشونت‌لردن حکایه قیلیش‌گه تانیلگن شخص بولگن.
ناجی جرف، تورکیه‌ده ییرلشگن سوری‌لیک خبرچی‌لر سراییدن کون چاغیده یشش بناسیدن چیقیش پیتده اوقگه تارتیلدی. او باشیدن جراحت آلگن‌لیگی دلیل کسلخانه‌گه ییتب بارمسدن وفات قیلدی.
جرف بیلن بیرگه ایشلیدیگن خبرچی‌لر؛ اونینگ اولدیریلگنینی تأیید قیلدیلر. تورکی رسانه‌لردن بیری‌نینگ خبر قیلیشیچه، جرف امنیتی کمره‌لر قرشی سیده هدف‌گه آلینگن.
شو سونگی‌ده ناجی جرف «رقا حفاده سویله‌دی» یا آربی‌اس‌اس ناملی مستندینی مدنی گروه‌لر اوچون تیار قیلگن ایدی. مذکور فلیم، هنری مکافات بیلن آلقیشلندی. اونینگ مستندلری داعش تصرفی‌گه بولگن الپو ناملی منطقه‌ده روی بیرگن واقعه‌لر باره‌سیده تیارلنگن ایدی.
جرف‌نینگ یقین اورتاق‌لریدن بیری‌نینگ ایتیشیچه، او شو سونگی‌ده عایله اعضاسی بیلن فرانسه‌ده باش پناه ایسته‌گینی بیرگن ایدی و کیله‌جک نیچه کونگه قدر فرانسه کیتماقچی ایکن.
خلق ارا نشریه‌لردن حمایت قیلیش کمیته اعضالریدن بیری شریف منصورنینگ سوری ترور ایتیلگن فلیم‌ساز باره‌سیده ایتیشیچه: «سوری‌لیک خبرچی‌لر امنیتی خواطرلر سبب تورکیه کیلگن ایدی، بولر حاضر بوییرده هم تینچ ایمس لر».
شونینگ‌دیک اونگه کوره: «بیز جرف‌نینگ قاتللری تونیق همده تیزلیکده قضایی نهادلرگه تاپشیریلیب، تورکیه‌ده سوری‌لیک خبرچی‌لردن حمایت قیلیش لایحه‌سی عمل‌گه آشیریلسین».
اکتوبر آیده سوری‌لیک داعش‌گه قرشی بولگن ایکی خبرچی تورکیه عرفا منطقه‌سیده یشش بنالریده اولدیریلگن ایدی. نیچه پیت آلدین کردلر حقوقی فعاللریدن طاهر الچی هم تورکیه دیارباکیر منطقه‌سیده اوق بیلن آتیب اولدیریلدی.
