.jpg)
افغانستان‌ده انسان حق و حقوق فعال‌لریدن بیری پریزا رحمانی. آنه‌لیک حق و حقوقی‌نی مدافعه قیلیش اوچون اوز فرزندینی سابق تورموش اورتاغی‌دن بیر میلیون 600 افغانی گه قیته ساتیب آلگن.
درد چیککن مذکور عیال ییتی ییل‌نی تورموش اورتاغی بیلن اوتکزگن. اوچ ییل هم یالغوز لیک بیلن فرزندلریگه آنه‌لیک قیلگن. چونکه تورموش اورتاغی باشقه بیر خاتین بیلن علاقه‌سی بولگن. اونینگ حکایه قیلیشیچه، حیاتی‌نینگ اخیرگی اوچ ییلی‌ده تورموش اورتاغی خاتی‌نی و باله لریدن احوال آلمس‌دن علاوه، اولرنینگ نفقه‌سینی هم توسیب قویگن.
پریزا، یاش قیز بولگن چاغده زوردن اونشتیریلگن. او، یاشلیک‌ده آنه بولگن. پریزا، اوچینچی گودک‌نی دنیاگه کیلتیریش بیلن تورموش اورتاغی او بیلن قوشمه حیاتنی اوزگرتیریش‌گه باشله‌گن. پریزا، انچه وقت‌دن کیین تورموش اورتاغی باشقه بیر کیشی‌نی نظر آستی‌گه آلگن لیگینی سیزه‌دی.
عین حالده، او اوچ ییل نی تورموش اورتاغی‌سیز اوتکزه‌دی. نهایتده او ایریدن اجره‌لش اوچون قرار آله‌دی. لیکن، پریزانینگ خانه‌دانی اونینگ ایریدن اجره‌لیشی اوچون قیتیق قرشیلیک قیله‌دی. « اولیک تیریکینگ‌دن اوته‌میز، لیکن ایرینگ‌دن طلاق آلیش‌نی ایسته‌می‌میز»
بو خط حرکت‌لردن سونگ پریزا آته‌سی‌نینگ اوییدن هم چیقه‌دی. او، اجاره‌گه آلگن اویده اوچ گوده‌گی بیلن حیات کیچیریش‌گه باشلیدی. اما، طلاق آلیش دوسیه‌سی آچیلیشی بیلن پریزا خانه‌دانی اونینگ حق و حقوقی‌نی حمایه قیلیش اوچون عالی محکمه‌نینگ ییغینی‌ده اشتراک قیله‌دی.
پریزا قیز و ایرکک‌دن عبارت اوچ فرزندی‌نینگ یاشی کیچیک بولگن‌لیگی سبب حضانت آلیش‌نی دعوا قیله‌دی. پریزا، تورموش اورتاغی‌نینگ خانه‌دانی هم باله‌لر آنه‌سیدن ایریلیب آلینگن تقدیرده اورلرنی باقمسلیک‌لری اوچون آگاه‌لنتیرگن.
اوزاق تارتیشوولردن کیین، پریزانینگ تورموش اورتاغی حضانت حقی آلیش اوچون بیر میلیون 600 مینگ افغانی سوره‌گن. پریزا، اویینی بانک‌گه اجاره قوییش بیلن پول قول‌گه کیریتیب فرزندلرینی آته‌سی‌دن ساتیب آله‌دی.
خانه‌دانلر فعالی پریزا رحمانی بوندن بویان سابق‌دن کوره فرزندلریگه درست شکلده قره‌ش اوچون سعی وحرکت قیله‌دی.
