بوندن ایکّی کون آلدین تورخم ده افغانستان و پاکستان چیگره چیلری اورتهسیده یوز بیرگن قوراللی توقنشوو هلی اوز پایانی‌گه ییتگن؛ اما، هنوز هم وضعیت عادی حالت‌گه قیتمه‌گنی چیگره ده ینه قوراللی توقنشو یوز بیریش احتمالی موجودلیگی نی انگلته‌دی.
تورخم شهرچه‌سیده‌گی سوداگرلرگه کوره، اخیرگی کونلرده بو ییرده یوز بیرگن قوراللی توقنشوو خلق کسب و کاریگه سلبی تاثیر قالدیرگن. ایتیلیشیچه، سوداگر اوشبو بازاردن تورلرینی چیقاریشگن‌لر. اولرنینگ سوزلریگه کوره، افغانستان و پاکستان چیگرهچیلر اورتهسیده یوز بیرگن اوروش ده سوداگرلر میلیونلب دالر زیان کورگن‌لر.
تورخم شهرچه‌سیده استقامت قیله دیگن اهالی اوز اوی جایلرینی ترک قیلیش‌گه مجبور بولگن لیک‌لری ایتیله‌دی. اهالی اوروش جریانی‌ده یشش اوی جایلری پاکستانلیک حربی‌لر تامانیدن آغیر قورال آرقه‌لی هجوم آستیگه آلینگن لیگی‌نی ایتگن‌لر. شونینگ‌دیک اهالی هجوم نتیجه‌سیده بلاغت‌گه ییتممه‌گن گودک‌لری قربان بولگن لیگی‌نی تیل‌گه آلگن‌لر.
عین حالده، چیگرهچیلر اورتهسیده یوز بیرگن اوروش‌ده افغانستانلیک ایکی چیگره‌چی قربان بولیب 18 حربی عسکر ایسه تن جراحت آلیش‌گه باعث بولدی. ننگرهار ولایتی‌نینگ محلی رسمیلری توقنشووده پاکستانلیک چیگره‌چی‌لرگه هم تلفات ییتگن لیگی باره‌سیده خبر بیرگن‌لر. لیکن، پاکستانلیک حربی‌لرگه بیریلگن تلفات توغریسی‌ده انیق معولومات قول‌ده ایمس هنوز.
منطقه‌ده اوروش یکونلنگن لیگی توغریسی‌ده خبر بیرگن سلام‌وطندارنینگ خبرچیسی‌گه کوره، ایکّی مملکت حربی کوچلری هنوز هم اوروش اوچون شه‌ی تورگن‌لر. محل ده انده – سنده اوق آوازی ایشیتیلیشی ایتیله‌دی.
چیگره بیرینچی لواسی‌نینگ قوماندانی محمد ایوب حسین‌خیل هر لحظه اوروش یوز بیریش احتمالی بار دیگن.
پاکستان‌دن ییتیب کیلگن گزارشلرده، چیگره نریاغیده ملی کوچلر شاشیلینچ حالت‌ده تورگن لیک لرینی قید ایتیلگن.
سلام‌وطندارنینگ پاکستاندهگی آزاد خبرچی‌سی رزاق برق نینگ بیلدیریشیچه، اوتگن کون افغانستان حربی‌لری تامانیدن آتیلگن اوق نتیجه‌سیده تن جراحتی آلگن پاکستانلیک جنرال جواد علی چنگیزی بوگون (سه شنبه) کسل‌خانه‌ده عالم دن اوتگن.
پاکستانلیک بلند مرتبه‌لی رسمیلریگه اساسلب خبر بیرگن رزاق برق، تورخم بندریده هر حالده حربی پوسته تاسیس ایتیله‌دی دیگن. اونینگ سوزلریگه کوره، پاکستانلیک حربی‌لر تورخم بندریده آغیر یینگیل قورال اسلحه‌لرنی جایلشتیرگن‌لر. جناب برق منطقه‌ده هر لحظه اوروش یوز بیریشی یوق ایمس دیگن.
پاکستان – افغانستان چیگرهچیلر اورتهسیده روی بیرگن اوروش نتیجه‌سیده چیگره نریاغیده 200 خانه دان اوز یشش اوی جایلرینی ترک قیلگن‌لر دیدی جناب برق.
شونینگ‌دیک ایکّی کوندن بیری چمن چیگره‌سیده هم بعضی بیر قیین چیلیک‌لر تاپیلگن لیگی حقیده خبر بیریشگن سلام‌وطندارنینگ پاکستاندهگی خبرچی‌سی.
باشقه تاماندن بوگون افغانستان جنوبی‌ده جایلشگن هلمند ولایتی‌نینگ یوزلب اهالی‌سی مساله‌گه اعتراض بیلدیریب ناراضی‌لیک نمایش اوتکزگن‌لر. یول یوریب اعتراض بیلدیرگن‌لر پاکستان بیراغی‌نی اوتده یاندیرگن‌لر.
شونینگ‌دیک ولایت‌نینگ بیرقنچه مدنی جماعه‌چیلیک اداره‌سی فعال‌لری ولایت‌ده بیر خبری انجمن اوتکزیب پاکستان هجومی‌نی قاره‌لب دنیا جماعه چیلیگی‌دن بو توغریده تیکشیرو اوتکزیش‌نی سوره‌گن‌لر.
