اجتماعی عدالت یوقلیگی، کمبغللیک، ایش سیزلیک و ساغلیک امکانیتی یوقلیگی تخار ولایتینینگ چال تومنیده یشهیدیگن کیشیلرنی جدی قیینچیلیککه روپهره قیلگن.
«مستعار آت» مین عبدالستار 7 یاشیمده بولگن چاغیمده کوتمهگن بیر کونده آتمنینگ جسدی بیلن روپهره بولدیم و بو واقعه اوشه کونگهقدر مین اوچون ناتانیش ایدی. آنمنینگ ایتیشیچه، آتم ایناغهسی بیلن بیرگه اویدن اوزاقراق ده بولگن ییر اوستیگه ایکینچیلیک قیلیش اوچون بارگن، بیراق او ییرده بیر-بیراوی بیلن تارتیشگن و اَبم ایسه بیل بیلن آتمنینگ باشی گه اوریب و اونی اولدیرگن.
آتم اولگنیدن نیچه آی اوتگنیدن سونگ، آنم جماعهده بولگن حاکم رسمو رواج و سنت اساسیده، آتمنینگ قاتلی بولگن اَبم بیلن اویلندی و بو یوزهدن مین ایسه اونی قولدن بیردیم و بابابمنینگ اوییده قالدیم. بابابم ایسه کمبغل ایدی و تیریکچیلیککه نیاز بولگن نرسهلرنی قیینلیکده تأمین قیلردی. بو موضوع سبب مین یاشرلیگیمدن قیشلاق ده بولگن اربابلردن بیرینینگ ایشگه باشلهدیم.
«مستعار آت» سمیع بای دیگن کیشینینگ یقینلریدن بیرینی اوییده کیچهلردن بیریده عایلهوی بیر مجلس آلیندی و سمیع بای دن باشقه عایلهنینگ بوتون اعضالری مجلس گه کیتدیلر. کیچه یریم ایدی و مین ایسه یاتاغیم ده بیللی بولمهگن نیرسهلر توغریسیده اویلردیم، شو چاغده یانیمده بیرینینگ بارلیگینی حس قیلدیم، یانیم ده بار کیشی سمیعبای دن باشقه کیمسه ایمس ایدی.
مین اوندن آلدین سمیعبای نی توشونرلی و حیثیتلی بیر انسان فکر قیلردیم؛ بیراق او کیچه همه نیرسه عکسینچه بولگن ایدی؛ آشنا بولمهگن یمان بیر واقعه بیلن دوچ کیلگن ایدیم؛ سمیعبای « مین بیلن یاتیب مینی ایستهگیم کبی عمل قیلمهسنگ، سین و بابانگنی قماقخانه گه یوباریب و قرض بیرگن بوغدایلرگه باشقه نرسهلرینی حساب قیلیب آلهمن» دیدی.
او کیچه دن سونگ، دنیام قرانغو بولگن ایدی، 4 ییل جریانیده یالغیز قرانغولیک ایمس، بلکیم بوتون حیاتم نی قول دن بیردیم. او پیتلردن سونگ یالغیز انتقام آلیشگه اویلردیم. آتمنینگ انتقامینی اَبم دن آلیش و اوز انتقامیم نی سمیعبای دن آلیش بیرینچی آرزولریم دن ایدی.
حیاتیم کون اوتیش بیلن قرانغو بولیب و اوزیم ایسه عقدهیی و امیدسیز بولردیم. بیراق دیوانه قیلهدیگن و عجایب بیر کیچهده سمیعباینی اویدن اوغیرلگن قورال بیلن اَبم نی اولدیردیم و بیرینچی آرزومگه ییتیشدیم.
حاضرده بیر ییل دن بویان تالقان شهرینینگ بالهلرنی تربیهلش مرکز قماقخانهسیده حبسده بولگن آرزوسی بار بیرکیشی من. آنم هردایم ایتردی که دنیا امید بیلن ایلگری کیتهدی؛ دولت دن بیرینچی ایستهگیم شوکه مینگه جنسی زورهوانلیک قیلگن کیشیلرنی قولگه آلیب جزالنتیرسین.