نماینده‌لر مجلسی بوگون (چهارشنبه) جمهور رییس فرمان صادر قیلیش شرایطنی معلوم قیلیش اوچون بیر لایحه‌نی کوپچیلیک آواز بیلن تصدیق ایتگن‌لر.
اوشبو طرح اسساسی‌ده، جمهور رییس شاشیلینچ حالت و پارلمان رخصت بولگن زمانیده فرمان صادر قیلیش حقوقی‌گه ایگه بوله‌دی.
بو لایحه اضافی بیر نرسه ایکن لیگینی ایتگن بیر قطار حقوقچی‌لرگه کوره، اساسی قانون نینگ 79 ماده‌سیده جمهور رییس تامانیدن تقنینی فرمان صادر قیلیش اوچون معین وقت نظرده توتیلگن.
حقوقچی کبیرگه کوره، نمانیده‌لر مجلسی تامانیدن تقنینی فرمان صادر ایتیلیش لایحه‌سی اساسی قانون‌دن اوستون ایمس.
شونینگ‌دیک بو لایحه مجلس‌نینگ بیر قنچه اعضالری تامانیدن تنقید آستیگه آلینگن. اوشبو نماینده‌لر، بیر لایحه اساسیده قانون‌نینگ بیر ماده‌سی اوستیده بحث قیلیش فایده‌سیز بیر گپ دیگن‌لر
.
نمانیده‌لر مجلسی‌نینگ اعضاسی نسیمه نیازی، تقنینی فرمان صادر قیلیش اوچون ینگی لایحه گه رای بیریشنی اساسی قانونگه ضد دیب ایتیشیچه، جمهور رییس صلاحیت‌لری اوشبو قانونده کیلگن اونی ایضاحلش اوچون احتیاج یوق.
نمانیده‌لر‌نینگ باشقه بیر اعضاسی کمال اصولی، بو لایحه حقوقچی‌لر و حقوق اداره‌لرینی کولگوگه آلیش دیدی.
نماینده‌لر مجلسی‌نینگ باشقه بیر اعضاسی عبدالستار خواصی، اساسی قانونده جمهور رییس قیسی زمانده تقنینی فرماننی صادر قیلیشی اوچون معلوم وقت نظرده توتمه‌گن دیگن.
اونینگ ایتیشیچه، اوشبو طرح‌نینگ ماده لریدن بیرگه موافق جمهور رییس غنی تقنینی فرمان صادر قیلیشی کیره‌ک ایمس.
جمهور رییس غنی‌نینگ سیلاولر تیزیمی‌گه اصلاحات کیریتیش اوچون صادر قیلگن تقنینی فرمانی اوتگن هفته پارلمان تامانیدن رد ایتیلگن‌دن کیین، اوشبو طرح ملی مجلس‌نینگ کوپچیلیک اعضالری آرقه‌لی تصدیق لنماقده. هنوزگچه جمهور رییس‌نینگ ایکّی تقنینی فرمانی افغانستان ملی مجلس اعضالری تامانیدن رد ایتیلگن.
