مملکتده ترورچیلیک هجوملرنی صادر قیلگن‌لیک‌ده عیب‌له‌نیب حبس‌گه آلینگن‌لرنینگ بیرینچی باسقیچی‌ده 6 نفر دارگه تارتیلدی. گزارش‌لرده، بیرینچی باسقیچ‌ده افغانستان سابق جمهور رییسی همده عالی تینچ‌لیک کینگشی‌نینگ باشلیغی برهان‌الدین ربانی و ملی امنیت کینگشی اورین باسری عبدالله لغمانی‌نی ترور قیلگن‌لیک‌ده قولی بولگن کیشی‌لر اوستی‌دن محکمه قرار عمل‌گه آشیریلگن.
جمهور رییس‌لیک سرایی تامانی‌دن ترقه‌تیلگن اعلامیه‌ده، مذکور بویروق « اساسی قانون حکمی، اسلام دینی و باشقه قانون‌لر و افغانستان اسلامی جمهوریت دولتی‌نینگ لازم کورگنی همده ترورچی هجوم‌لرده قربان بولگن‌لر خانه‌دانی‌نینگ تیز- تیز طلبی اساسی‌ده عمل‌گه آشیریلگ‌نی معلوم قیلینگن.
اعلامیه‌ده مذکور آلتی کیشی تینچ اهالی مقابلی‌ده جنایتچی فعالیت قیلیش، عاموی امنیت‌نی بوزیش و باشقه آلتی حادثه‌ده قولی بارلیگی سبب اوشبو جزاگه سزاوار بولگن‌لر.
.jpg)
افغانستان جمهور رییس‌لیک سرایی، اوشبو حکم قونت بیلن تیکشیریلیب و افغانستان انسان حق و حقوق‌لر موضوع‌لری نظرده توتیلگن حالده عالی محکمه‌نینگ عدالتی و طرف سیزلیک بیلن دوسیه‌نی تیکشیرگنی‌دن کیین عملی بولگن.
بیانات‌نینگ سونگی‌ده یازیلیشیچه، افغانستان دولتی دقیق، قضایی و عدلی عدالت، عدالت تامین ایتیلیشی، مجرملرنی جزاگه بیریش و عامه خلق و مملکت امنیتی‌نی بوزیش‌ده قولی بولگن شخصلرنی شفاف لایحه تطبیق ایتلیشی انابت‌گه توتیلگن حالده، عمل قیلگن لیگی یازیلگن.
افغانستان جمهور رییسی محمداشرف غنی بوندن نیچه هفته آلدین ملی مجلس‌نینگ مخصوص ییغینی‌ده نطق سوزلب، مملکتده ترورچیلیک حادثه‌لرده قولی بولگن شخص‌لرنینگ دوسیه‌سی جدی و هر تامانلمه تیکشیریلیشی اوچون عالی محکمه گه بویروق بیریب، مجرم‌لر آغیر جزا یعنی دارگه تارتیلیشی‌نی سوره‌گن ایدی.
