آمریکا جمهور رئیسی دونالد ترامپ توییتر صحیفه‌سی آرقه‌لی، دموکرات‌لردن اساسی ایرکین‌لیک‌نی سلب قیلیش اوچون سعی و حرکت قیلمه‌یش‌لرینی سوره‌گن.
جناب ترامپ نینگ ایتیشیچه، اونینگ سونگی حرکت‌لری آمریکا یشاوچی‌لری نینگ ایرکین‌لیگی اوچون صورت تاپگن.
آمریکانینگ دموکرات نماینده‌لری، اوکراین جمهور رئیسی اوستیگه اوشبو مملکت سیلاوی خصوصیده ترامپ نینگ فشار کیلتیرگنی‌نی ادعا قیلگنلر، بیراق ترامپ بو ادعالرنی رد قیله‌دی.
عین‌حالده، افغانستان سیاسی ایش بیلرمانلردن بیرقطاری‌نینگ ایتیشیچه، آمریکا افغانستان نینگ اساسی حمایتچی‌لریدن بیری دیر و اوشبو مملکت نینگ ایچکی جنجللری افغانستان نینگ سیاسی، اقتصادی و امنیتی وضعیتی‌گه سلبی تاثیر قویه‌دی.
سیاسی ایش بیلرمانلردن بیری شهبازنینگ ایتیشیچه، تینچلیک لایحه‌سی تکمیل بولمه‌گنی باعث، سیلاو نتیجه‌سی جنجلی بیلن روپه‌ره بولگن نامزدلردن بیری تامانیدن قبوللنمه‌گن صورتده، آمریکانینگ ایچکی قیین‌چیلیگی اوشبو مملکت اوستیگه سلبی تاثیر قویه‌دی.
سیاسی ایش بیلرمانلردن باشقه بیری محب‌الله شریف نینگ ایتیشیچه، افغانستان تینچلیک و سیلاو لایحه‌سیگه یالغیز آمریکا ایمس بلکیم باشقه مملکت‌لر هم دقت قیله‌دی.
بیراق، سیاسی ایش بیلرمانلردن باشقه بیرقطاری نینگ ایتیشیچه، آمریکا نینگ ایچکی قیین‌چیلیگی ایچکی موضوعی دیر و افغانستان وضعیتی‌گه سلبی یا-ده ایجابی تاثیر قویمه‌یدی.
اولرنینگ ایتیشیچه، افغانستان سیلاوی خصوصیده بولگن جنجللر حل ایتیلگن صورتده، تینچلیک سوزلشوولرینی قیته‌دن باشله‌نیشی ممکن.
آمریکا ایچکی جنجللری اینقسه جمهور رئیس ترامپ نینگ دموکرات نماینده‌لر تامانیدن استیضاح ایتیلیش موضوعی افغانستان بیرقطار سیاستچی‌لرینی خواطرلنتیرگن.
