ترافیک پولیس کوچلریدن بیرقطاری، آیلیک‌لری توللنمه‌گنیدن شکایت قیله‌دیلر. اولرنینگ سلام‌وطندارگه ایتیشیچه، دلو آیی باشلنگنیدن 12 کون اوتماقده و حاضرگچه جدی آیی‌نینگ آیلیگی و کمیده 7 آیلیک اعاشه‌لرینی پولی توللنمه‌گن.
آتی فاش ایتیلیشی‌نی ایستمه‌گن ترافیک پولیس‌لریدن بیری‌نینگ سلام‌وطندارگه ایتیشیچه، بیر مصلحتچی‌نینگ آیلیگی 200 مینگ افغانی وقتی‌ده توللنه‌دی، بیراق 12 مینگ افغانی آیلیک و ترافیک اعاشه‌سی بدلی توللنیشی آیلرچه چوزیله‌دی.
.jpg)
ایچکی ایشلر وزیرلیگی مسؤوللری‌نینگ ایتیشیچه، اوشبو وزیرلیک ملی پولیس، مردمی پولیس، محلی پولیس و ترافیک پولیس حقوقی توللنیشی اوچون برقی بیر سیستم قورماقده.
مذکور وزیرلیک سوزلاوچیسی نصرت رحیمی‌نینگ ایتیشیچه، ایسلنگن سیستم ایجاد ایتیلیشی بیلن کیله‌جک بیر آیده ترافیک پولیس‌لرنینگ حقوقی و اعاشه پولی توللنیشی ممکن.
ایچکی ایشلر وزیرلیگی سوزلاوچیسی‌نینگ اورغولشیچه، پولیس کوچلری و ایشلاوچیلری و شونینگ‌دیک، ترافیک پولیس‌نینگ حقوقی احصائیه بندلیک بولیب باسقیچ دن اوتکزیلگن و ینگی برقی سیستم ایش‌گه باشله‌گن صورتده، دلو آیی‌نینگ آخریگه حقوقلری حساب‌لریگه اوتکزیله‌دی.
