نماینده‌لر مجلسی مالی و بودجه کمیسیونی نینگ مسووللری، ملی تدارکات کمیته‌سی تدارکاتی باسقیچی قیسقرتیریلگنی اورنیده تدارکات جریانینی اوزون قیلینگن لیگی تدارکاتده فساد کوپه‌یشی اوچون زمینه یره‌تگن دیدیلر.
بو کمیسیون نینگ کاتبی کمال صافی نینگ سلام‌وطندارگه ایتیشیچه، تدارکات کمیته‌سیگه تیگیشلی اداره نینگ ایشلریگه سُستلیگ یوز بیرگن بو مساله ایسه مذکور کمیته شفاف لیگینی هم سوال آستیگه آلگن.
جناب صافیگه کوره، تدارکات اداره‌سی مرکزی بولگن لیگی و ینه بیر تاماندن کمیته نینگ اعضالری جمهور رییس‌دن قورقیشی اوچون 21 کونده نهایی بوله‌دیگن حجتلر 6 آیده نهایی قیلینه‌دی.
اجراییه ریاستی سوزلاوچیسی نینگ اورین باسری جاوید فیصل، ملی تدارکات کمیته‌سیده شفافیت بولمه‌گن لیگی همده بو توغریده‌گی ایش سُست لیگ بیلن آلغه آلیب باریلیشی خصوصیده عبدالله عبدالله هم وزیرلر کینگشی نینگ اقتصاد کمیته‌سیده شکایت قیلگن دیگن.
ملی تدارکات کمیته‌سی چمه‌سی ایکّی ییل آلدین شفافیت، اقتصاد رواجله‌نیشی و شرطنامه لرده‌گی فساد آلدی آلینیشی اوچون ملی بیرلیک حکومتی آرقه‌لی ایجاد بولگن ایدی.
