تخار ولایتی کلفگان تومنی‌نینگ یشاووچیلری، مذکور ولسوال‌لیک‌نینگ ییتی یشاووچی‌سی مخدر ماده‌لر قاچاقی‌گه عیبله‌نیب ایران‌ده دارگه تارتیلگنی باره‌سیده خبر بیرگن‌لر. اولر باشقه 250 کیشی اولمنی کوته‌دیلر دیگنلر.
مذکور شخص‌لردن اوچ نفری‌نینگ جسدی اوتگن کون تخار ولایت مرکزی تالقان‌گه آلیب باریلگن. اوشبو جسدلر خانه‌دانلری اعراض بیلدیریب، جسدلرنی ولایت مقامی ایشیگی‌ده قویگنلر.
اهالی، حادثه اوچون افغانستان حکومتی همده انسان حق و حقوقلرینی حمایت قیلیشی اداره‌لرنی تفاوت‌سیزلیککه عیبله گنلر.
شونینگ‌دیک دارگه تارتیلگن‌لرنینگ خانه‌دانی‌گه کوره، ایران عدلی و قضایی اداره‌لر باشقه مجرملر آزاد ایتیلیشی اوچون پول طلب قیلگن لیگی‌نی تیل‌گه آلگنلر.
تخار ولایت والی‌سی‌نینگ سوزلاوچی‌سی سنت تیمورنینگ سوزلریگه کوره، کلفگان تومنی‌نینگ قطار یشاووچیلری ایران ده دارگه تارتیلگن. او، مذکور شخصلر ایران‌ده مخدر ماده قاچاق ایتیش عیب بیلن قول‌گه آلینیب محکمه حکمی اساسی‌ده دارگه تارتیلگن‌لر دیگن.
شونینگ‌دیک جناب تیمور، ولایت‌نینگ کلفگان تومنی‌ده مخدر ماده لر قاچاقی بیلن شغللنه دیگن ییریک ترماق فعال ایکن‌لیگینی بیلدیرگن. تیمور، قاچاقچیلری مذکور ماد‌ه‌لرنی ایران‌گه ییتکزیش اوچون یاشلردن فایدلنه‌دیلر دیگن.
سولاووچی، حکومت هنوزگه اوشبو قاچاقچی‌لردن 100 سینی حبس‌گه آلیگن لیگی باره سیده تاکیدله‌گن. ایتیلیشیچه، ولایت اهالی‌سی‌نینگ ایران‌ده دارگه تارتیلیشی بیرینچی بار ایمس، سابق وقتلرده ایریم تخارلیکده ایران‌ده دارگه تارتیلگن.
محل حکومت رسمیلری، مذکور شخصلر دارگه تارتیلمس لیگی اوچون آلیب بارگن سعی وحرکت‌لری نتیجه بیرمه‌گن لیگی‌نی تیل‌گه آلگنلر.
