تخار ولایتی‌کینگش باشلیغی‌گه بیرنیچه آغیر عیبلاو

سلام وطندارگه ییتیب کیلگن حجتلرگه کوره، تخار ولایتی کینگشی‌نینگ باشلیغی وفی الله رحمانی اوچ کیشی‌نی کلتکلش، اوقوو حجتلرینی تقلب ایتیشی همده قانون دن قاچیش اوچون تخار ولایتی‌نینگ استیناف محکمه‌سی و قاره‌لاوچیلک اداره‌سی تامانیدن تعقیب آستیده آلینگن.

تخار استیناف محکمه‌سی تامانیدن 1393 رقم – و 1396/10/6 تاریخیده تخار پولیس قومندالیگی گه یازیلگن مکتوب گه کوره، وفی الله رحمانی کولابی قیشلاغی یشاوچیلریدن اوچ کیشینی دلیل سیز کلتکلگن.

شونینگدیک باش قارالاوچیلیک اداره‌سی ر650 رقم و تاریخ 1396/10/18 تخار مقام ولایتی گه مکتوب یوباریب مذکور کیشینی 12- صنف حجتی نی تقلب قیلیشی خصوصیده باش قارلاوچیلیک اداره سیگه تانشتیریلیشی نی معلوم قیلگن.

تخار استیناف باش قارالاوچیلیک ادراه سینی باشلیغی محمد غوث امیری نینگ ایتیشیچه، وفی الله رحمانی نینگ جرمی نی انیق لنگنینی ایتیب بیراق تخار استیناف باش قارالاوچیلک اداره سیده حاضر بولمگنینی معلوم قیله‌دی.

تخار معارفی نینگ باشلیغی عبدالسمیع ابدیار، وفی الله رحمانی نینگ تقلبی حجت توزتگنی‌گه  تن آله‌دی.

بیراق تخار ولایتی کینگشی نینگ باشلیغی وفی الله رحمانی، اوشبو مسله‌لرنی دسیسه دیب ایتیشیچه، بیر قطار زوروانلر تالقان شهری نی ایچیده‌گی دولتی ییرلرنی غصب قیلگنلر و انه شوسبب مذکور دعوا بولگن.

تخار قومندالیگی سوزچیسی خلیل اسیر نینگ ایتیشیچه، تخار ولایتی کینگش باشلیغی نینگ دوسیه سی محلی محکمه و باش قارالاوچیلیک اداره سیده دیر و رحمانی جنابلری نینگ قولگه‌آلیش مکتوبی ولایتی مقامی گه یوباریلگن.

بو بیرینچی مرته ایمس که دولت ملازملری و زوروانلر یشاوچیلرینی کلتکب قانون سیندیریش گه عیب لنه دیلر. بیراق بو کیشی لرنی قولگه آلیب جزالنیشی کوپ کم کوریلگن.