بوگون «چهارشنبه» ایرته‌لب تخار-بدخشان قتناو یولی تخار ولایتی‌نینگ کلفگان تومنیده مذکور تومن‌نینگ یشاوچیلریدن بیرقطاری و قومندان برزو گه تیگیشلی قوراللی‌لر تامانیدن باغلنگن و نتیجه‌ده قتناو یولنی ایکی تامانیده یوزلرچه موتر و یولاوچی‌لر بند قالگن‌لر.
تومن آره‌سیدن پیاده اوتیش گه قصد قیلگن یولاوچی‌لر قومندان برزوگه تیگیشلی قوراللی‌لر تامانیدن قتیق شکلده کلتک‌لنگن.
سلام‌وطندارگه صحبت بیرگن بدخشان یولاوچی‌لریدن شفیق و مجیب نینگ ایتیشیچه، قوراللی‌لر یولاوچی‌لردن نیچه کیشی‌نینگ قول و آیاقلرینی سیندیرگن و یولاوچی‌لر نیچه ساعت اسیر آلینگن‌لر.
بدخشان عمومی قتناو یولینی باغله‌گن ناقانونی قوراللی‌لر و اعتراضچی‌لر، کلفگان تومنیده بولگن باشقه بیر ناقانونی قوراللی سیف‌الدین توتقونگه آلینیشی‌نی سوره‌گن‌لر.
محلی مسؤوللرگه کوره، اوتگن کون اسلامی حزب نینگ سابق اعضاسی قومندان سیف‌الدین نینگ آدم‌لری کلفگان تومنی نینگ چهارتوت قیشلاغیده قومندان برزونینگ آدم‌لرینی هدف قرار بیرگن و نتیجه‌ده قومندان برزونینگ آدم‌لریدن 5 ته‌سی یره‌لنگن و محل یشاوچیسی بولگن بیر عیال هلاک ایتیلگن.
شو توغریده…
تخار ده ناقانونی قوراللی کیشی‌لرنینگ آتیشمه‌سی نتیجه‌سیده، 3 کیشی هلاک ایتیلگن
ناقانونی قوراللی کیشی‌لر بیر عایله‌نینگ 2 فرزندی‌نی اولدیرگن
جمهور رئیس: ناقانونی قوراللی کیشی‌لرگه قرشی کوره‌ش خلق ایسته‌گی دیر
کلفگان ولسوالی نینگ ایتیشیچه، قومندان برزو هم مذکور تومنده ناقانونی قوراللی‌لردن بیری دیر و بوگون تخار-بدخشان قتناو یولینی باغله‌گن کمیده 100 قوراللی هم مذکور ناقانونی قوراللی قومندان گه تیگیشلی بوله‌دی.
شونینگدیک، تخار پولیس قومندانلیگی سوزلاوچیسی خلیل اسیرنینگ ایتیشیچه، اعتراضچی‌لرگه کوپینچه ناقانونی قوراللی‌لر قوشیلیب و بدخشان یولاوچی‌لریدن 3 ته‌سینی کلتک‌لگن‌لر.
تخار-بدخشان قتناو یولی نیچه ساعت توسیلیب و نتیجه‌ده توش چاغی ترافیک یوزیگه آچیلگن.
کلفگان تومنی تخار ولایتی‌نینگ بیر آز تینچلیک تومن‌لریدن بیری سنله‌دی، بیراق سونگی آیلر مذکور تومنده ناقانونی قوراللی کیشی‌لرنینگ فعالیت‌لری کینگه‌یگن.
