.jpg)
تخار ولایتی نینگ کابل‌ده‌گی مدنی فعاللری، مسوولیتی بولمه‌گن قوراللی گروه‌لرنی فعالیت قیلیشی داعش و طالبلردن کوره یامان ایکن لیگینی ایته دیلر. اولرنینگ سوزلریگه کوره، مذکور قوراللی گروه‌لر ایریم رهبرلر آرقه‌لی حمایت ایتیله‌دی. محلی رسمیلر هم اوشبو گروه لر فعالیتی آلدینی آلیش اوچون کوچی ییتمه‌یدی دیگن مدنی فعاللر.
بو توغریده‌گی عکس‌العمللر سونگی کونلرده ولایت‌ده ملا پیرم‌قل گه طرافدار شخصلردن بیری ویس‌الدین ناملی بیر یاش – ییگیت‌نی آتیب اولدیرگن‌دن سون اوج آلماقده.
سلام‌وطندار ترماغی اوتگن ییل تخار ولایتی‌ده تیارله‌گن تحقیقی بیر گزارشده ملا پیرم‌قل نینگ فعالیتی توغریسیده خبر بیرگن ایدی.
مذکور مدنی فعاللرنینگ تعبیریچه، ایریم منطقه‌لر جمله‌دن ولایت نینگ رستاق تومنیده مسوولیتی بولمه‌گن قوراللی شخصلر تینچ اهالینی اولدیریب، مال و ملکلرینی تالان قیلگنلر.
مدنی فعاللردن محم شهریار و حامد پیکارلر ولایت‌ده‌گی مسوولیتی بولمه‌گن قوراللی شخصلر معین رهبرلر تامانیدن حمایت بولیشی اوستیده تاکید قیلگنلر.
تخار پولیس قوماندانلیگی نینگ سوزلاووچیسی خلیل اسیر، مسوولیتی بولمه‌گن قوراللی گروه‌لر تخار ولایتی نینگ امنیتی اوچون ییریک تهدید بولگن لیکلرینی اعتراف قیلگن.
شونینگدیک جناب اسیر، مسوولیتی بولمه‌گن قوراللی گروه‌لرگه قرشی مقابله قیلیش اوچون مرکزی حکومت بویروغینی کوته‌میز دییه تیل‌گه آلگن.
