آمریکا تایم ژورنالی نینگ گزارشی گه کوره، آمریکا تشقی ایشلر وزیری مایک پومپئو، آمریکا و طالبان گروهی نینگ تینچلیک کیلیشوونامه‌سینی امضاءلش‌دن باش تارتگن.
اوشبو گزارش‌ده آمریکا، اروپا و افغانستان ییریک رسمی‌لریدن نقل قیلینیشیچه، جناب پومپئونینگ بو کیلیشوونامه‌نی امضاءلش دن باش تارتیش سببی اونده موجود احتمالی خطرلر دییلگن.
تایم ژورنالی نینگ گزارشی اساسیده، اوشبو کیلیشوونامه برهم اوریلیشی خصوصیده خطر یوقاریلیگی و بو کیلیشوونامه گه نسبتن طالبان نینگ سوزسیزلیگی باعث، آمریکا تشقی ایشلر وزیرلیگی امضاءلمه‌گن.
اوشبو گزارش نشر ایتیلگن بیرچاغده، افغانستان تینچلیک لایحه‌سی بوییچه آمریکانی خاص نماینده‌سی زلمی خلیلزادنینگ ایتیشیچه، واشنگتن اساساً طالبان بیلن کیلیشیب آلگن.
آمریکا تشقی ایشلر وزیرلیگی حاضرگه‌قدر تایم ژورنالی نینگ بو گزارشی گه عکس‌العمل کورستمه‌گن.
تایم ژورنالی نینگ گزارشی گه کوره، طالبان گروهی تینچلیک کیلیشوونامه‌سی افغانستان اسلامی امارت صفتیده امضاءلنیشی‌نی سوره‌گن.
شونینگدیک، مذکور گروه تینچلیک کیلیشوونامه‌سی آمریکا نماینده‌سی صفتیده مایک پومپئو تامانیدن امضاءلنیشی نی طلب قیلگن و بونگه اساس، بو کیلیشوونامه آمریکانینگ تشقی ایشلر وزیری تامانیدن امضاءلنگنده، طالبان گروهی رسمیت گه تانیله‌دی و شو یوزه‌دن جناب پومپئو امضاءلش‌دن باش تارتگن.
بوندن آلدین، ایچکی خصوصی میدیالردن بیری ده صحبت بیرگن جناب خلیلزادنینگ ایتیشیچه، اسلامی امارت قیتیشی آمریکا اوچون قبول قیلینمس دیر و آمریکا، افغانستانده سوزلشوولر و کیلیشوو اساسیده، حکومت ایجاد ایتیلیشی‌نی ایسته‌یدی.
تایم ژورنالی نینگ گزارشی گه کوره، نهایت ده بو کیلیشوونامه افغانستان تینچلیک لایحه‌سی بوییچه آمریکا تشقی ایشلر وزیرلیگی‌نی خاص نماینده‌سی زلمی خلیلزاد تامانیدن امضاءلنیشی ممکن و یا-ده ایکی تامان قوشمه بیر بیانیه صادر ایتیلیشی‌نی ییترلی بیله‌دی.
افغانستان تینچلیک لایحه‌سی بوییچه آمریکا تشقی ایشلر وزیرلیگی‌نی خاص نماینده‌سی زلمی خلیلزاد و طالبان آره‌سیده بولگن سوزلشوولر اوتگن ییل، میزان آیی قطرنینگ دوحه شهریده باشلندی. بو سوزلشوولر 9 دور دن سونگ، یکشنبه کون (10- سنبله) یکونلندی و جناب خلیلزاد کابل گه کیلیب و اوچره‌شوولری جریانیده، 9- دور تینچلیک سوزلشوولری توغریسیده بولگن تفصیلات‌لرنی ملی بیرلیک حکومت باشلیغ‌لری بیلن شریک قیلدی.
جمهورلیک ریاست سرایی و اجراییه ریاستی، جناب خلیلزاد حکومت رهبرلری بیلن شریک قیلگن تفصیلات توغریسیده معلومات بیریشمه‌گن. بیراق جمهورلیک ریاست سرایی نینگ ایتیشیچه، بو ییغینده بولگن بحث‌لرنی تولیق تفصیلاتی کیین برچه بیلن شریک قیلینه‌دی.
شو توغریده…
خلیلزاد، 9- دور تینچلیک سوزلشوولر معلوماتی‌نی افغانستان حکومتی بیلن شریک قیلدی
